Qarakólde qyrylyp qalǵan 1 myńnan astam aqqýdyń óleksesi joıyldy

<p>ASTANA. KAZINFORM &ndash; Mańǵystaý oblysy Qarakól kólindegi jappaı qyrylyp jatqan aqqýlardyń óleksesi arnaıy apparatpen órtelip, joıylyp jatyr. Osy kúnge deıin 1110 aqqýdyń óleksesi tabylǵan.&nbsp;</p>

«Aqqýlardyń óleksesi veterınarlyq talaptarǵa saı joıylyp jatyr. Mamandar arnaıy qorǵaý kıimderimen qamtylǵan. Qustardyń óleksesin joıý úshin Atyraý qalasynan ınsınerator peshi bar «Kamaz» avtokóligi alyndy. Ólgen qustar peshte órtelip, kúndelikti joıylyp otyrady» dep jaýap berdi Mańǵystaý oblystyq orman sharýashylyǵy jáne janýarlar dúnıesi aýmaqtyq ınspektsııasy Kazinform agenttiginiń arnaıy saýalyna.

Sondaı-aq, saýal jaýabynda 2024 jylǵy 22 qańtarda Qarakól kólinde 1110 aqqýdyń óleksesi tabylyp, joıylǵany aıtylǵan.

Eske sala keteıik, Mańǵystaýda qyrylǵan aqqý sany 1 myńnan asyp ketti.

Aldyn ala málimet boıynsha, aqqýlardyń jappaı qyrylýy qus tumaýynan bolǵan.

Keıin Qarakólge Rixos-ten tógiletin qaldyq sýdyń qanshalyqty las ekeni jarııalandy.