Karakólde qyrylǵan aqqýlardyń sany rekordtyq kórsetkishke jetti

<p>Mańǵystaý oblysyndaǵy Qarakól kólinde qyrylǵan aqqýlardyń sany eki júzden asty, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Óńirlik Ekologııa departamentiniń málimetine sáıkes ólgen aqqýlardan qus tumaýynyń vırýsy tabylǵan. 

Foto: Mańǵystaý oblystyq Ekologııa departamenti

«21 jeltoqsannan beri qoryq ınspektorlary qyrylǵan 132 aqqýdy tapty. Al 2 qańtardaǵy jaǵdaı boıynsha ólgen aqqýlar sany 227 boldy. Onyń ishinde 132 aqqýdyń óleksesi joıyldy, taǵy 95 aqqý 3 qańtarda veterınarııalyq zańnamada belgilengen tártip boıynsha joıylady», - dedi Ekologııa departamentiniń baspasóz qyzmeti.

Ótken jyldyń 21 jeltoqsanynda Ústirt memlekettik tabıǵı qoryǵynyń qyzmetkerleri Qarakól kólinde kúzet is-sharalaryn ótkizý kezinde 30 aqqý-shıpýnnyń ólimi faktisin anyqtaǵan bolatyn.

Foto: Mańǵystaý oblystyq Ekologııa departamenti

Atalǵan derek boıynsha boıynsha qoryq jáne oblystyq orman sharýashylyǵy jáne janýarlar dúnıesi aýmaqtyq ınspektsııasynyń mamandary Mańǵystaý oblysynyń Ekologııa departamenti, AShM veterınarııalyq baqylaý jáne qadaǵalaý komıtetiniń veterınarııa jónindegi Ulttyq ortalyǵynyń qyzmetkerlerimen birlesip tıisti zerthanalyq zertteý júrgizý úshin synamalar aldy.