Qarakólde qyrylǵan aqqýlardyń óleksesi qalaı joıylady

<p>Qarakólde qyrylǵan aqqýlardy joıý úshin Aqtaýǵa Atyraý oblysynan jyljylmaly krematorıı pesh ákelinedi, dep habarlaıdy Kazinform.</p>

Bul týraly Mańǵystaý oblystyq veterınarııa basqarmasynyń basshysy Berdibek Marhabaev málimdedi. Onyń aıtýynsha, Qarakólde jappaı ólip jatqan qustardy joıý jumystary endi arnaıy tehnıkada ornalasqan pesh arqyly júzege asyrylady.

«Mańǵystaýda ólgen aqqýlardy órteý boıynsha Atyraý oblysynan arnaıy tehnıka kele jatyr. ıAǵnı, bul KamAZ júk kóliginiń ústinde ornalasqan krematorıı peshi. Jospar boıynsha 1-2 kúnde Aqtaý qalasyna jetedi. Al jeltoqsan aıynyń sońynan beri qyrylǵan aqqýlardy joıý ruqsat etilgen ádis boıynsha qoryq aýmaǵynda arnaıy shuńqyrlarda órtelip, kómilip jatyr. Qazirge deıin qyrylǵan 828 aqqýdy joıý jumystary atqaryldy. Bizdegi esep boıynsha Qarakólde 45 myń aqqý bar. Al bul indet qashanǵa deıin jalǵasatynyn boljaý múmkin emes», - dedi basqama basshysy Berdibek Marhabaev.

Aıta ketetin jaıt, búginde Qarakól aýmaǵynda qańǵybas ıtter qaptap ketken. Keıbir kýágerlerdiń sózinshe olar ólgen aqqýlardyń óleksesin qorek etip jatyr. Aqtaý qalalyq veterınarııalyq stantsııasynyń basshysy Samat Nábıev Qarakól kóli ornalasqan Ústirt aýmaǵynda qańǵybas ıtterdi aýlaý jumystary jalǵasyp jatqanyn atady.

«Qarakól aýmaǵynan jeksenbiden beri 31 ıt aýlanyp, ustaldy. Qoryqta áli de ıesiz ıtter jetkilikti. Osyǵan baılanysty bizdiń stantsııa jumystardy júrgizip jatyr. Qoryqtaǵy demalys bazalarynyń mańynda da ıesiz ıtter kóp. Bizdegi derek boıynsha olar kólde ólgen aqqýlardy jep júr», - dedi Samat Nábıev.

Buǵan deıin "Mıkrobıologııa jáne vırýsologııa ǴÓO" JShS mamandary vırýsologııalyq taldaý júrgizý kezinde Qarakól kólinde qystaıtyn aqqýlardyń jappaı qyrylýy joǵary patogendi H5N1 qus tumaýynan bolǵanyn aıtqan bolatyn. 21 jeltoqsannan beri qoryq aýmaǵynda qus tumaýynan 828 aqqý ólgeni anyqtaldy.