Qaraqııa aýdanynda 20 aqqýdyń óleksesi tabyldy

<p>Mańǵystaý oblysynyń Qaraqııa aýdanynda jıyrma aqqý ólip qalǵan. Olardyń barlyǵy arnaıy orynda joıyldy, dep habarlaıdy Kazinform.</p>

Óńirdegi Qaraqııa aýdanynda teńiz jaǵalaýynda qustardyń ólgeni týraly derek belgili boldy. Tekserý kezinde 20 aqqýdyń óleksesi tabylyp, qazirgi ýaqytta polıtsııa teńiz jaǵalaýyna adamdardyń barýyna belgili bir merzimge deıin shekteý qoıǵan. Al aýdan ákimdigi atalǵan jaǵdaıǵa qatysty tıisti jumystar qolǵa alynǵanyn málimdedi.

«Ózderińizge málim, oblys boıynsha arnaıy komıssııa qurylyp, naqty tapsyrma berildi. Qaraqııa aýdany boıynsha 11 qańtarda 12 aqqýdyń óleksesi tabylsa, araǵa bir kún salyp taǵy 8 ólgen aqqý tabyldy. Bekitilgen arnaıy orynda ólekselerdi joıý jumystary atqaryldy. Qazir aýdan aýmaǵyndaǵy teńiz jaǵalaýynda ólgen aqqýlardy izdeý jumystary jalǵasyp jatyr. Osyǵan qatysty jergilikti atqarýshy bılik tarapynan teńiz jaǵasynan izdeýtirý arqyly tabylǵan aqqýlardyń óleksesin joıý jumystary jalǵasady. Jergili polıtsııa teńiz jaǵalaýyna adamdardyń barýyna shekteý qoıdy. Adamǵa qaýip bolmaǵanymen úı janýarlaryna qaýipti bolmaǵanymen úı janýarlary úshin qaýip tóndiredi. Aýdan aýmaǵynda eki jarym myńnan astam úı qustary bar. Ótken jyldyń qyrkúıek aıynda olardyń eki myńǵa jýyǵy vaktsınatsııalaýdan ótti», - dedi aýdan ákiminiń orynbasary Asan Chýkın.

2023 jyldyń 21 jeltoqsanynanda alǵash ret aqqýlardyń qyrylǵany týraly derek belgili bolǵan edi.

Araǵa ýaqyt salyp, Mańǵystaý oblystyq orman sharýashylyǵy jáne janýarlar dúnıesi aýmaqtyq ınspektsııasy 601 sybyrlaq aqqýdyń ólimi deregin resmı rastady.

Sondaı-aq, Qarakóldegi aqqýlarǵa Rixos qonaqúıinen aqqan qaldyq sýdyń qanshalyqty qatysy bary týraly ózekti másele qozǵaldy.

Budan bólek, Qarakólde qyrylǵan aqqýlardy joıý úshin Aqtaýǵa Atyraý oblysynan jyljylmaly krematorıı pesh ákelinetini málim bolyp otyr.

Sońǵy málimet boıynsha Mańǵystaýda qyrylǵan aqqýlar sany toǵyz júzge jýyqtaǵan.