Qaraqat Ábdenniń saılaýaldy kezdesýine halyqaralyq baıqaýshylar qatysty
13:24, 15 Qarasha 2022
ShYMKENT. QazAqparat - Prezıdenttikke kandıdat Qaraqat Ábden Shymkent qalasyndaǵy «AGF Grýpp» atty tigin fabrıkasynyń ujymymen júzdesti, dep habarlaıdy QazAqparat kandıdattyń shtabyna silteme jasaı otyryp.
Kezdesý barysynda kandıdattyń baǵdarlamasy tanystyrylyp, qoǵamdaǵy ózekti máseleler men áleýmettik suraqtar talqylandy.
Sondaı-aq búgingi kezdesýge EQYU baıqaýshylar mıssııasynyń ókilderi Krıstofer Makkaloý men Krıstına Bogdanova qatysty. Olar úgit-nasıhat naýqanynyń barysymen, Qaraqat Ábdenniń saılaýaldy shtabtarynyń jumysymen tanysty.
Eske salsaq, elimizde 20 qarasha kúni kezekten tys prezıdent saılaýy ótedi. Saılaý barysyn 641 halyqaralyq baıqaýshy qadaǵalaıdy. Kandıdat Qaraqat Ábden el aımaqtaryn aralap, 8 oblysta 30-dan astam kezdesý ótkizdi. Aldaǵy ýaqytta ol Túrkistan jáne Jambyl oblystarynyń saılaýshylarymen júzdesedi.