Qaraqat Ábden Shymkent jurtshylyǵymen kezdesti

ShYMKENT. QazAqparat - Prezıdenttikke kandıdat Qaraqat Ábdenniń el óńirlerindegi saılaýaldy saparlary jalǵasýda. Ol Shymkent qalasynyń saılaýshylarymen júzdesip, óziniń saılaýaldy baǵdarlamasyn tanystyrdy, dep habarlaıdy QazAqparat kandıdattyń shtabyna silteme jasaı otyryp.

Qala turǵyndary, týrızm salasynyń mamandary, qazaq ulttyq taǵamdaryna negizdelgen meıramhanalardyń ókilderi men kásipker áıelder qatysqan kezdesý barysynda qoǵamdaǵy ózekti máseleler men týrızmdi damytý máseleleri talqylandy.

Saılaýshylarmen kezdesýden keıin kandıdat óńirdiń tynys-tirshiligimen tanysyp, qalada ótip jatqan «Kóksaraı» fýtbol týrnıriniń jeńimpazdarymen kezdesti. Budan bólek, Q.Ábden aımaqtaǵy saılaýaldy shtabynyń ókilderimen júzdesip, úgit-nasıhat jumystarynyń nátıjelerimen tanysty.

Eske salsaq, elimizde 20 qarasha kúni kezekten tys prezıdent saılaýy ótedi. Kandıdat Q.Ábden el aımaqtaryn aralap, 8 oblysta 30-dan astam kezdesý ótkizdi. Aldaǵy ýaqytta ol Túrkistan jáne Jambyl oblystarynyń saılaýshylarymen júzdesedi.