Qaraqat Ábden «Atameken» ánin oryndady

ASTANA. QazAqparat - Prezıdenttikke kandıdat Qaraqat Ábden Qazaqstan halqyn Respýblıka kúnimen erekshe formatta quttyqtady. Ol «Arý ana» ájeler ansamblimen birge kópshiliktiń súıikti, naǵyz halyq ánine aınalǵan «Atameken» ánin shyrqady, dep habarlaıdy QazAqparat.

«Bıyl Respýblıka kúni ulttyq mereke bolyp jarııalandy. Qaıta jańǵyrǵan merekege oraı patrıottyq sana-sezimdi arttyrýǵa septigin tıgizetin aty ańyzǵa aınalǵan «Atameken» ánin oryndadyq. Barsha qazaqstandyqtardy Respýblıka kúnimen quttyqtaımyn!». — dedi Q.Ábden.

Kandıdattyń respýblıkalyq jáne oblystyq saılaýaldy shtabtary belsendi jumys isteýde. Aqmola oblysy men Qaraǵandy saılaýshylarymen júzdesip úlgergen Qaraqat Ábden aldaǵy ýaqytta Pavlodar jáne Abaı oblystarynyń turǵyndarymen kezdespek.