Qaraqat Ábden astanalyq saılaýshylarmen kezdesti
20:47, 26 Qazan 2022
ASTANA. QazAqparat - QR Prezıdenttigine úmitker Qaraqat Ábden astanalyq saılaýshylarmen kezdesý ótkizdi. Saılaýaldy jıynǵa qala turǵyndary men ulttyq kıim óndirýshileri, qolóner sheberleri jınaldy.
Jıyn barysynda Qaraqat Ábden óziniń saılaýaldy baǵdarlamasyn tanystyrdy. Úmitker óz sózinde ulttyq kıim óndirýshileriniń eńbegi elenbeı jatqanyn jetkizip, ulttyq kıim óndirisine memleket keńinen qoldaý kórsetý kerektigin aıtty.
Aıta ketsek, Qaraqat Ábden buǵan deıin Aqmola oblysy jáne Qaraǵandy qalalarynyń turǵyndarymen júzdesken edi. Respýblıka boıynsha úmitkerdiń 20 shtaby iske qosylǵan. Aldaǵy ýaqytta onyń Pavlodar, Abaı jáne Almaty oblysynyń saılaýshylarymen kezdesý ótkizetini málim.