Qaraqalpaqstandyq áıel 3 jasar qyzyn 1 mln teńgege satqan
13:13, 03 Sáýir 2023
ASTANA. QazAqparat – Oralda áıel 3 jasar qyzyn 1 mln teńgege satqan Qaraqalpaqstan turǵyny ustaldy, dep habarlaıdy QazAqparat tilshisi.
«Oral qalasynda balalaryn satqan Qaraqalpaqstan Respýblıkasynyń 31 jastaǵy turǵyny ustaldy.
Jas áıel 2018 jáne 2019 jyly týǵan eki balasyn satqany anyqtaldy. Birinshi fakt 2018 jylǵy maýsymda oryn alǵan. Áıel jańa týǵan balasyn Atyraý oblysyndaǵy otbasylyq jupqa zańsyz jolmen asyrap alýǵa bergen. Al ekinshi fakt 2022 jylǵy jeltoqsanda bolǵan. Bul joly ol óziniń úsh jasar qyzyn 1 mln teńgege Oraldaǵy jupqa satqan
Bul faktiler Qylmystyq kodekstiń 135-baby boıynsha is qozǵaldy», - dedi ІІM ókili Shuǵyla Turlybek.