Qaraǵandynyń sý qoımasyna tuqy balyǵynyń 180 myń shabaǵy jiberiledi

QARAǴANDY. QazAqparat – Qaraǵandynyń Fedorov sý qoımasynda balyqtyń sany kóbeıtiledi. Bul bıoalýantúrlilikti saqtaý maqsatynda jasalatyn shara, dep habarlaıdy QazAqparat tilshisi.

Kúzde qala shetinde ornalasqan sý qoımasyna tuqy balyǵynyń 180 myń shabaǵy jiberilmek. Bul jumystardy júzege asyrýǵa oblystyq bıýdjetten qarajat bólindi.
«Memlekettik satyp alý konkýrsynyń qorytyndysy boıynsha, Fedorov sý qoımasyndaǵy jumystardy «Qaraǵandy balyq pıtomnıgi» JShS júrgizedi. Shabaqtardy sý qoımasyna plıýs 5-10 gradýs temperatýra bolǵanda jiberý usynylýda. Kún salqyndaı bastaǵanda jas qurtshabaqtar nyǵaıa túsedi, al qysta muzǵa shyǵady», - dep habarlady Qaraǵandy oblysynyń Tabıǵı resýrstar jáne tabıǵatty paıdalanýdy retteý basqarmasynyń basshysy Rýslan Tólepbaev. Sonymen qatar, oblystyń sý qoımalaryn pasporttaý úshin ǵylymı zertteýler júrgizý josparlanǵan. Muny qazaqstandyq ónerkásipti qoldaý ınstıtýtynyń mamandary jasaıdy. Óńirde balyq aýlaýǵa jaramdy barlyq sý qoımalary esepke alynady. Aldyn ala esepteýler boıynsha, olardyń sany - 47. Basqarma basshysynyń aıtýynsha, aldaǵy bes jyl ishinde olardyń barlyǵy balyqpen toltyrylatyn bolady.