Qaraǵandynyń oqýshylary robottar jobalaý saıysynda Gran-prı jeńip aldy

QARAǴANDY. QazAqparat – Qazaqstanda alǵash ret daryndy balalarǵa arnalǵan mamandandyrylǵan mektepterdiń oqýshylary arasynda robottar festıvali ótti. Qaraǵandylyq oqýshylar úzdik atandy, dep habarlaıdy QazAqparat tilshisi.

Jarys Súleıman Demırel atyndaǵy ýnıversıtettiń bazasynda ótti. 44 komanda qatysty – elimizdiń ár óńirinen 200-ge jýyq oqýshy baq synasty. Qaraǵandy oblysyn bes komanda tanystyrdy. Olardyń barlyǵy úzdikterdiń qatarynda boldy.

«Robottardy jobalaý» sanatyndaǵy Gran-prı ıegeri N. Nurmaqov atyndaǵy MMLI komandasy boldy. Jeńimpazdar Qazaqstan ulttyq quramasyna qabyldanyp, halyqaralyq robot jasaýshylar baıqaýyna joldama aldy.

Atalmysh mekteptiń taǵy bir komandasy Innovatsııalyq jobalar sanatynda birinshi oryndy ıelendi. MMLI oqýshylary aqparattyq tehnologııalar boıynsha birinshi jáne úshinshi oryn aldy, al «Mýrager» MMLI ekinshi oryn ıelendi.

Robottar festıvalin «Daryn» respýblıkalyq ǵylymı-praktıkalyq ortalyǵy men USTEM Robotics qoǵamdyq qory uıymdastyrdy. Jarys FIRST halyqaralyq erejeleri boıynsha ótkizildi.