Qaraǵandynyń keıbir aýdandarynda bir táýlikke sýyq sý toqtatylady

ASTANA. QazAqparat - 10 qazanda Qaraǵandy qalasynyń keıbir aýdandarynda bir táýlikke sýyq sý toqtatylady, dep habarlaıdy oblys ákimdiginiń resmı saıty .

Bul Jańa qala, Ońtústik-Shyǵys, Mıhaılovka, «Vostok-5» jáne «Kógildir toǵandar» shaǵynaýdany men Aqtas aýylyna qatysty. 

«Qaraǵandy Sý» kompanııasynan habarlaǵandaı, seısenbi, 10 qazan kúni sý jiberý qubyry iske qosylady.

«Jumystar barysynda aýyz sýdy berý toqtatylady. Jumystar aıaqtalǵan soń sý qaıta beriledi, biraq onda hlor mólsheri kóp bolady. 2017 jyldyń 11 qazanynda sýdy ishýge jáne tamaqqa qosýǵa bolmaıdy. Sondyqtan eki táýlikke jeterlik sý toltyryp alýǵa keńes beremiz», - delingen kompanııanyń baspasóz qyzmeti taratqan aqparatta.