Qaraǵandynyń karantın engizilgen aımaqtarynda qalaaralyq avtobýs qozǵalysy qalpyna keledi

QARAǴANDY. QazAqparat – Karantın engizilgen Shahtınsk, Shahan, Dolınka eldi mekenderi arqyly ótetin Qaraǵandy-Shahtınsk jáne Qaraǵandy-Shahan baǵytyndaǵy qozǵalys jáne qalaaralyq oblysishilik jolaýshylar tasymaly qaıta iske qosyldy. Bul týraly Qaraǵandy oblysynyń sanıtarlyq-epıdemıologııalyq baqylaý departamentiniń baspasóz qyzmeti málimdedi, dep habarlaıdy QazAqparat tilshisi.

«Qaraǵandy oblysynyń bas memlekettik sanıtar dárigeriniń qaýlysyna sáıkes, koronavırýs ınfektsııasynyń oshaqtaryn oqshaýlaýǵa jáne Shahtınsk qalasy, Shahan kenti, Novodolınskıı kenti jáne Dolınka kenti aýmaǵynda baılanysta bolǵan adamdardyń anyqtalýyna baılanysty, Qaraǵandy – Shahtınsk – Qaraǵandy, Qaraǵandy – Shahan – Qaraǵandy qatynasymen qalaaralyq oblysishilik turaqty jolaýshylar tasymaly qozǵalysyn qaıta bastaý týraly sheshim qabyldandy. Qaýly qol qoıylǵan sátten bastap kúshine enedi», - dep habarlady Qaraǵandy oblysy boıynsha santarlyq-epıdemıologııalyq baqylaý departamenti.

Esterińizge sala keteıik, aǵymdaǵy jyldyń 21 maýsymynan bastap Shahan, Novodolınskıı jáne Dolınka kentterinde epıdemıologııalyq jaǵdaıdyń nasharlaýyna baılanysty shekteýler engizilgen bolatyn.