Qaraǵandynyń qan ortalyǵy barlyq donorlarǵa alǵys bildirdi
«Oblysymyzdaǵy qan qyzmetiniń tarıhy sonaý 1938 jyldan bastaý alady, onda alǵash ret jer aýdarylǵan dáriger German Nıkolaevıch Alalykın naýqastyń ómirin saqtap qalý úshin qan quıǵan bolatyn. Qazir de qan qyzmeti óziniń basty mıssııasyn – adam ómirin saqtap qalýdy jalǵastyrýda. Medıtsına ǵylymynyń qarqyndy damýyna qaramastan, adam qanynyń tıimdi balamalary áli shyqqan joq. Sondyqtan bizdiń ujymnyń jumysy jyl saıyn úsh myńnan astam adamnyń ómirin saqtap qalatyn janashyr jáne beı-jaı qalmaıtyn donorlarymyzǵa tikeleı baılanysty. Jyl saıyn biz 8 myń lıtrden astam qan daıyndaımyz. Donorlyq qozǵalysqa jyl saıyn 10 myńnan astam donor tegin qatysady, onyń ishinde 800-den astamy – turaqty donor», - dedi T. Sádýaqasov elordada Táýelsizdiktiń 30 jyldyǵy men Alǵys aıtý kúniniń 5 jyldyǵyna arnalǵan dóńgelek ústelde.
Onyń aıtýynsha, pandemııa jaǵdaıynda da donorlar eń izgi mıssııany abyroımen jalǵastyrdy, al keıbiri aýyr aýrýǵa shaldyǵyp, aýyr naýqastarǵa kómektesýge qajetti koronovırýsqa qarsy ımmýndyq plazma bergen.
«Búgin jyldar boıy bizge qan tapsyryp, kómek kórsetip kele jatqan adamdarǵa erekshe alǵysymdy bildirgim keledi. Solardyń biri –Sáýle Esenbekova. Ol 16 jyl boıy qan tapsyryp, 140 patsıentke kómektesken», - dedi qan ortalyǵynyń basshysy.
«Qan qyzmeti Qazaqstannyń barlyq donorlaryna alǵys bildiredi. Sizderdiń kómekterińizge esh baǵa jetpeıdi. Sol úshin sizderge kóp raqmet aıtamyz», - dedi spıker.