Qaraǵandynyń tsıfrlandyrý basqarmasynyń basshysy úzdik memqyzmetshi atandy

QARAǴANDY. QazAqparat – Qaraǵandy oblysynyń aqparattandyrý, memlekettik qyzmetter kórsetý jáne muraǵattar basqarmasynyń basshysy Rýstam Baıjanov KPMG Tech Awards syılyǵynyń qorytyndysy boıynsha úzdik memlekettik qyzmetshi-kásipqoı dep tanyldy. Ol GovTech Professional of the Year nomınatsııasynda jeńiske jetti, dep habarlaıdy QazAqparat tilshisi.

KPMG Tech Awards – KPMG Caspian kompanııasy qurǵan tsıfrlandyrý jáne IT salasyndaǵy birinshi jyl saıynǵy syılyq, Qazaqstannyń úzdik mamandary men startaptaryn atap ótedi. Ol úsh nomınatsııa boıynsha beriledi:

- Tech Woman of the Year (IT-degi Jyl áıeli);

- GovTech Professional of the Year (eldi tsıfrlandyrýǵa úles qosqan jyldyń úzdik memlekettik qyzmetshisi);

- Digital Breakthrough of the Year (jyldyń tsıfrlyq úzilisi).

Marapattaý rásimi eldiń eń iri Digital bridge forýmy aıasynda ótti. KPMG Tech Awards baıqaýyna qatysý úshin qazaqstandyq IT-kompanııalardan, startaptar men kásipqoılardan barlyǵy 200-ge jýyq ótinim berildi.

GovTech Professional of the Year nomınatsııasy bıyl alǵash ret belgilendi. Rýstam Baıjanov syılyqqa ІT-hub «Terrıkon alqaby» jobasyn usyndy.

«IT-hub «Terrıkon alqaby» jobasy Qaraǵandyny Qazaqstannyń IT-astanasyna aınaldyrýǵa arnalǵan. Bul qanshalyqty zor estilse de, soǵan qaramastan bizdiń qalamyzda turaqty IT-qoǵamdastyq burynnan bar, kóptegen iri IT-kompanııalar Qaraǵandyda ornalasqan. Bizdiń mindetimiz – dıdjıtal-komıýnıtıdi shoǵyrlandyrý jáne salanyń damýyna jańa serpin berý. Osylaısha qalada ózi ІT-hub paıda boldy. Nátıjeler qazirdiń ózinde kózge kórinýde. Sońǵy hakatonda qaýymdastyqtyń qatysý deńgeıi joǵary bolǵanyn kórýge bolady. Oǵan 60-tan astam komanda qatysty. ІT-klasterdi qurý maqsatynda hab bazasynda Astana Hub Tech Orda Halyqaralyq IT-startaptar tehnoparkiniń baǵdarlamalaý mektepterin qarjylyq qoldaý baǵdarlamasyna qatysatyn Terricon school zamanaýı baǵdarlamalaý mektebi iske qosyldy», – dep atap ótti Rýstam Baıjanov.

IT-hab Qaraǵandy oblysynyń tehnologııalyq startap-ekojúıesin damytý, memlekettiń, bıznes ókilderiniń jáne bastamashyl jas azamattyq qoǵamnyń ortaq kúsh-jigerimen IT-qoǵamdastyq qurý úshin qolaıly orta kózi jáne jastardy IT-salaǵa tartý núktesine aınaldy.

«Qazirgi ýaqytta hab rezıdentteri IT, fintech jáne dıdjıtal-salalardan shyqqan úsh myńnan astam adam bolyp tabylady. Bul búkil komandanyń, ujymnyń jeńisi. Bul biz úshin deńgeıimizdi tek joǵarylatý úshin qosymsha motıvatsııa», – deıdi Rýstam Baıjanov.

Tech woman of the Year 2022 nomınatsııasynda Qazaqstannyń tehnologııalyq salalaryndaǵy áıelder qaýymdastyǵynyń negizin qalaýshy Azıza Shýjeeva jeńiske jetti. Techno Woman qaýymdastyǵy IT salasyndaǵy genderlik stereotıptermen kúresýge, sondaı-aq tsıfrlyq ındýstrııadaǵy áıelderge bilim berýdiń qoljetimdiligin arttyrýǵa baǵyttalǵan.

«2022 jyldyń tsıfrlyq serpilisi» nomınatsııasyn aýyl sharýashylyǵyna arnalǵan IT-sheshimderdi ázirleýshi Agrostream jeńip aldy. Baǵdarlamalyq qamtamasyz etý aýyl sharýashylyǵy kásiporyndarynyń eseptilikti alýyn 20%-ǵa jedeldetýge, tehnıkanyń ónimdiligin 2,5 ese arttyrýǵa, JJM shyǵyndaryn azaıtýǵa (20 %) jáne astyq shyǵynyn edáýir azaıtýǵa (63 %) múmkindik beredi.