Qaraǵandynyń barlyq avtobýsynda elektrondy tólem júıesi engizildi
Qala turǵyndaryna jolaqy tóleýdiń birneshe nusqasy usynylady:
- ONAY! kartasynyń kómegimen. Ataýy uqsas mobıldik qosymsha arqyly (QR-kod, tirkeý termınalynda kórsetilgen kólik kody);
- SMS-tólem (Beeline, Activ/Kcell, Tele2/Altel);
- USSD-kodty paıdalaný (Beeline abonentteri úshin);
- qaǵaz bıletti bere otyryp, júrgizýshige nemese kondýktorǵa qolma-qol aqshamen tóleý. Bul nusqamen qala turǵyndary úshin jolaqy burynǵydaı 80 teńge bolyp qalady.
ONAY! kompanııasy basshylyǵynyń aıtýynsha, jolaýshylardyń jalpy sanynyń shamamen 45% búginde kólik kartalaryn belsendi paıdalanýda.
«Biz qaraǵandylyqtardy kólik kartalaryna aýysýǵa shaqyramyz. Bul naqty jolaýshylar aǵynyn qadaǵalaýǵa jáne kórsetiletin qyzmetterdiń sapasyn jaqsartýǵa múmkindik beredi. Barlyq ınfraqurylym bizdiń elektrondy jolaqy tóleý júıesiniń tolyqqandy jumysyna daıyn», – deıdi «Almaty kólik holdıngi» JShS Qaraǵandy oblysy boıynsha fılıalynyń dırektory Georgıı Kogaı.
Qalada kartalardyń tórt túri bar:
- biryńǵaı jolaqy 80 teńgeni quraıdy. Ony kez kelgen adam barlyq satý núktelerinde rastaıtyn qujattarsyz satyp ala alady. Qala boıynsha olardyń sany – 90. Karta quny – 500 teńge;
- jeńildikti mártebesi bar azamattardyń 20 sanatyna tegin jol júrý kartasy beriledi. Qaraǵandy qalasynyń jumyspen qamtý jáne áleýmettik qorǵaý bóliminiń tiziliminde paıdalanýshy derekteri bolýy kerek nemese memlekettik organnan áleýmettik karta alýǵa joldaýy bolýy tıis;
- «Zeınetker» kartasy – zeınetaqysy 21 AEK-ten asatyn azamattarǵa arnalǵan. Ol boıynsha jol júrý quny – 50 teńge;
- «7–15 jastaǵy balalar» kartasy belgilengen jastaǵy barlyq balalarǵa beriledi. Ol boıynsha jol júrý quny 40 teńgeni quraıdy.
«Zeınetker» nemese «7–15 jastaǵy balalar» kartalaryn alý úshin JSN bar foto jáne jeke basyn kýálandyratyn qujat qajet. Zeınetkerler ataýly qaǵaz jol júrý bıletin nemese sońǵy birneshe aıdaǵy zeınetaqy mólsheri kórsetilgen ZTMO anyqtamasyn usynýy tıis.
Jeńildikti kartalardy kelesi mekenjaılar boıynsha ornalasqan ONAY! qyzmet kórsetý jáne qoldaý ortalyqtarynda rásimdeýge bolady:
1. ONAY! qyzmet kórsetý ortalyǵy, Kommýnaldy k-si, 3.
2. Open Karaganda, Nazarbaev dańǵyly, 39.
3. «Taır» SÚ, Buqar jyraý d-ly, 88/2 bet.
4. «Raha» SÚ, Muqanov k-si, 9.
5. «Umaı» SÚ, Karl Marks k-si, 9.
6. Jańa Maıqudyq MÚ, Magnıtogorskaıa k-si, 19.
7. «Molodejnyı» MÚ, Metallıstov k-si, 24/2 st.
8. Halyq bankiniń bólimshesi, Manýılskıı k-si, 17a.
ONAY! kartalaryn paıdalanýshylar ınternet-bankıng arqyly da, ózine-ózi qyzmet kórsetý termınaldary arqyly da, sondaı-aq ONAY! mobıldi qosymshasy arqyly toltyra alady.
Karta joǵalǵan jaǵdaıda, aqshany balansta saqtaý úshin ony mobıldi qosymshada nemese (8-7212) 50-60-50 telefony boıynsha buǵattaý qajet. Jeńildikti kólik kartasyn ONAY! qoldaý ortalyqtarynda qaıta shyǵarýǵa bolady.
Aqshany qaıtarý úshin, eger kartalar mobıldi qosymshaǵa qosylmaǵan bolsa, olardyń ıeleri ONAY! qoldaý ortalyǵyna kartanyń toltyrylǵanyn rastaıtyn chekti qosa usyna otyryp, ótinish jazýy kerek.
Mekenjaılardyń tolyq tizimin jáne basqa da paıdaly aqparatty ONAY.KZ resmı saıtynan tabýǵa bolady, ne bolmasa kompanııanyń áleýmettik jelilerdegi akkaýnttarynda nemese sall-ortalyqta (8-7212) 50-60-50 nómiri boıynsha.