Qaraǵandyny sý basyp, mektep-ınternattyń shatyry kókke ushty
Tabıǵattyń tosyn minezinen bolǵan zardapty joıý qalaı júrgizilip jatqanyn Qaraǵandy qalasynyń ákimi Meıram Qojyqov aıtty.
«Nóser jaýynǵa baılanysty birneshe kósheni sý basqany baıqalyp otyr, birneshe aǵash qulady, shatyrlardyń buzylý jaǵdaılary bar. Kommýnaldyq qyzmetter men arnaıy tehnıkalar shuǵyl rejımde jumys istep jatyr. Barlyq máseleni baqylaýda ustap otyrmyn», - dep jazdy shahar basshysy áleýmettik jelidegi paraqshasynda.
Aıtýynsha, búgin keshke qalada jańbyrdyń aılyq mólsheri túsken.
«Mundaı kólemdi bir mezette qabyldaýǵa jaýyn-shashyn sýy kanalızatsııasynyń shamasy jetpedi. Dál qazirgi ýaqytta jaǵdaı turaqtandy, sý ketti. Birneshe aýlany sý basqan jaǵdaılar bar, qazir sýdy sorý júrgizilip jatyr.
Elektr energııasymen jambdyqtaý júıesine de zaqym keldi. «Qaraǵandy Jaryq» oqıǵa ornynda, saldaryn joıyp jatyr», - dedi qala ákimi.
M.Qojyqov sondaı-aq jelden shatyry qıraǵan Maıqudyqtaǵy mektep-ınternat ǵımaratyna qatysty da aıtty.
«Kólik joly tazartyldy. Shatyrdy bólshekteý júrgizilip jatyr. Ony qalpyna keltirý múmkindigine qatysty aqparatty taıaý ýaqytta jeke usynatyn bolamyz», - dedi ol.