Qaraǵandyny áskerı qyzmetshiler dezınfektsııalap jatyr
12:20, 02 Sáýir 2020
QARAǴANDY. QazAqparat - «Astana» óńirlik qolbasshylyǵynyń sarbazdary Qaraǵandynyń basty kóshesine dezınfektsııa júrgizdi, dep habarlaıdy QazAqparat tilshisi.
Áskerı qyzmetshiler Buqar jyraý dańǵylyn zalalsyzdandyrdy. Olar jeke qaýipsizdikti qamtamasyz etetin arnaıy kıimmen jumys istep jatyr jáne zalalsyzdandyrý jumystary barysynda arnaıy qospalardy paıdalandy.
Zalalsyzdandyrý sharalaryna 50 sarbaz tartylyp, 7000 tekshe metr arnaıy eritindi paıdalanyldy. Bul baǵyttaǵy jumystardy áskerı kólik ınspektsııasy men qala polıtseıleri baqylap júrdi.
Aıta ketetin másele, zalalsyzdandyrýǵa arnalǵan eritindiler turǵyndardyń densaýlyǵyna zııanyn tıgizbeıdi.
Qolǵa alynǵan sharalardyń barlyǵy tek azamattarymyzdyń densaýlyǵy men ómiriniń qaýipsizdigi úshin jasalyp jatyr.