Qaraǵandylyqtarǵa Táýelsizdik kúni qarsańynda memlekettik nagradalar tabys etildi
Prezıdenttiń Jarlyǵymen eńbek ardagerleri, jumysshylar, pedagogter, dárigerler, qoǵam qaıratkerleri, memlekettik organdardyń, aýyl sharýashylyǵy salasynyń ókilderi jáne ónerkásip kásiporyndarynyń basshylary marapatqa ıe boldy. Respýblıkaǵa sińirgen eńbegi, eldiń áleýmettik-ekonomıkalyq jáne mádenı damýyna, dostyq pen yntymaqtastyqty nyǵaıtýǵa qosqan úlesi úshin qaraǵandylyqtar orden, medal jáne Qurmet gramotalaryn aldy.
Memleket basshysynyń atynan marapattardy Qaraǵandy oblysynyń ákimi Jeńis Qasymbek tabys etti.
«Táýelsizdik jyldary týraly aıta otyryp, memlekettiń qalyptasýy men nyǵaıýyna Qaraǵandy oblysynyń eleýli úles qosqanyn maqtanyshpen atap ótkim keledi. Bul erekshe ólke, Saryarqanyń júregi, Qazaqstannyń ónerkásiptik ortalyǵy», - dedi óńir basshysy.
QR Prezıdentiniń Jarlyǵymen joǵary dárejeli erekshelik belgisi – «Qazaqstannyń Eńbek Eri» ataǵy «ArselorMıttal Temirtaý» AQ atqarýshy dırektory Vadım Basınge berildi. Eldiń ekonomıkalyq damýyndaǵy jáne óndiristik qyzmettegi úzdik jetistikteri úshin oǵan aıryqsha erekshelik belgisi - Altyn juldyz jáne «Otan» ordeni tabys etildi.
«Bul Qazaqstan Magnıtkasynyń barlyq ujymy úshin óte joǵary marapat, sondaı-aq Qazaqstannyń barlyq taý-ken metallýrgııa salasy qyzmetkerleriniń eńbegin baǵalaý bolyp tabylady. Biz ekonomıkanyń turaqty damýy men memleketimizdiń odan ári jańǵyrýy úshin bar kúshimizdi salamyz», - dedi Vadım Basın.
Qaraǵandylyqtardy sondaı-aq Memlekettik syılyqtardyń tabystalýymen quttyqtady. Abaı atyndaǵy Ádebıet jáne óner salasyndaǵy syılyqtyń laýreaty aqyn Serik Aqsuńqaruly atandy. Ál-Farabı atyndaǵy ǵylym men tehnıka salasyndaǵy memlekettik syılyq ǵalymdarǵa berildi.
«Bizdiń JOO tarıhynda bul úshinshi Memlekettik syılyq. Búgin meni úlken maqtanysh sezimi kerneıdi. Marapat – aldaǵy jemisti jumys úshin úlken yntalandyrý bolyp tabylady. Búgingi bizdiń deńgeıimiz memlekettiń ǵylym men bilimge degen yqylasyn bildiredi», - dedi QarTÝ rektory Marat Ibatov.
«Parasat» ordenimen «Qazaqmys» korporatsııasy» JShS damytý jónindegi dırektory Baqtııar Qyryqpyshev marapattaldy.
«YDD Corporation» JShS quryltaıshysy Shmagı Kemertelıdzege ІІ dárejeli «Dostyq» ordeni tabys etildi.
Jemisti eńbegi men joǵary kórsetkishteri úshin toǵyz qaraǵandylyq ІІІ dárejeli «Eńbek Dańqy» ordenimen marapattaldy.
Qaraǵandy oblysynyń taǵy bes turǵyny Qurmet marapatyna ıe boldy. Qaraǵandy oblysy saılaý komıssııasynyń hatshysy Natalıa Batalova, eńbek ardagerleri Qalmaqan Mýsın men Petr Nefedov, «Qarttar men jalǵyziliktilerdi kútý jáne asyrý jónindegi» QB basqarmasynyń tóraıymy Gúlnar Túsipbekova jáne «Birlik-2006» JShS keńesshisi Tóleýtaı Shákirov «Qurmet» ordeniniń ıegerleri atandy.
Ónerkásip, qarjy, sport, aýyl sharýashylyǵy salasynyń jıyrma qyzmetkeri, sondaı-aq ardagerler eńbek jetistikteri úshin «Eren eńbegi úshin» medaldarymen marapattaldy.
«Qazaqstannyń eńbek sińirgen qaıratkeri» qurmetti ataǵy «Rýhanııat» ortalyǵynyń Buqar jyraý atyndaǵy jyrshy-jyraýlar synybynyń jetekshisi Dıdar Kámıge berildi.
Belsendi jáne jemisti qaıyrymdylyq qyzmeti men meıirimdiligi úshin oblystyń jeti turǵyny «Shapaǵat» medalimen marapattaldy.
Belsendi ómirlik ustanymy men eren eńbegi úshin taǵy 12 qaraǵandylyq Qazaqstan Respýblıkasynyń Qurmet gramotalarymen marapattaldy.
Jyl qorytyndysyn shyǵara otyryp, Jeńis Qasymbek kenshiler men metallýrgterdiń, agrarııler men bıznesmenderdiń, pedagogtar men áleýmettik sala qyzmetkerleriniń, qurylysshylardyń jumysyn atap ótti. Bıyl dárigerlerdiń ıyǵyna úlken júkteme tústi.
Saltanatty sharada Qaraǵandy oblysynyń jańa qurmetti azamattarynyń esimderi jarııalandy. Olar: Jezqazǵan qalasynyń Qurmetti azamaty, «Qazaqmys» korporatsııasy» JShS janynan qurylǵan «Ardagerler keńesi» QB tóraǵasy Tólegen Búkirov, Aqtoǵaı aýdanynyń Qurmetti azamaty, QR eńbek sińirgen qaıratkeri, «Aqmola-Beton» JShS dırektorlar keńesiniń tóraǵasy Rymbek Júnisov jáne Sotsıalıstik Eńbek Eri, Saran qalasynyń Qurmetti azamaty Vasılıı Zımenok.
«Barlyq gospıtaldardyń, emhanalardyń, jedel járdem qyzmetiniń, medıtsınalyq ýnıversıtet pen kolledjderdiń stýdentteri men oqytýshylarynyń úılesimdi jáne batyl jumysyn atap ótkim keledi. Bizdiń eriktilerge, qoǵamǵa janqııarlyqpen qyzmet etetinderge jeke alǵys aıtamyz», - dedi oblys ákimi.