Qaraǵandylyqtarǵa qazaqstandyq QazVac vaktsınasy salyna bastady
QazVac brendimen shyǵarylatyn QazCovid-In otandyq vaktsınasy Dúnıejúzilik densaýlyq saqtaý uıymynyń tizilimine engizilgen.
Ol bıologııalyq qaýipsizdik problemalarynyń ǵylymı-zertteý ınstıtýtynyń bazasynda jasalǵan.
Vaktsına koronavırýstyq ınfektsııaǵa qarsy turaqty ımmýnıtetti qalyptastyrady.
Onyń qaýipsizdigi men basqa vaktsınalarǵa qaraǵanda artyqshylyǵy dáleldendi. QazVac vaktsınaassotsıatsııalanǵan aýrýlardy týdyrmaıdy.
«Bizdiń emhanada vaktsınatsııa ortalyǵy 15 sáýirde ashyldy. 2 myń adam egildi. Keń aýqymdy aqparat berý jumystarynyń arqasynda adamdar vaktsınatsııaǵa sanaly túrde keledi. Barlyǵy tegin jáne erikti túrde ótedi. Búgin bizdiń emhana otandyq vaktsınanyń 160 dozasyn aldy. Buǵan deıin «Spýtnık V» egildi. Eki vaktsınanyń jetkilikti qory bar medıtsınalyq mekemelerde adamdar tańdaý múmkindigine ıe», - dep túsindirdi №4 emhana dırektorynyń medıtsınalyq qyzmetter sapasyn baqylaý jónindegi orynbasary Tatıana Mustafına.
QazVac vaktsınasy kúrdeli tońazytqysh qondyrǵylardy qajet etpeıdi. Qutylar tońazytqyshta +8 gradýsqa deıingi temperatýrada tasymaldanady.
Reseılik vaktsınadan aıyrmashylyǵy, bir flakon bir adamǵa arnalǵan. QazVac – eki fazaly vaktsına. 21 kúnnen keıin vaktsınatsııalanǵan adam ekinshi komponentti alady.
Qarsy kórsetkishter ózgerissiz qalady: 18 jasqa deıin, júktilik, emizý, ótkir jaǵdaılar, sozylmaly aýrýlardyń órshýi. Temperatýranyń joǵarylaýy, bulshyqet aýyrýy, álsizdik sııaqty reaktsııalar bolýy múmkin.
QazVac preparatymen ımmýndaý aldynda standartty emshara ótedi.
Adam saýalnamany toltyrady, aldyn-ala medıtsınalyq tekserýden ótedi, vaktsınatsııa alady jáne vaktsınatsııadan keıingi bólmege barady.
«Qaýipti dertpen aýyryp qalamas úshin densaýlyǵymdy qazaqstandyq QazVac vaktsınasyna senip tapsyrýdy sheshtim. Bizdiń dárigerlerge tolyq senemin. Olar maǵan bárin durys túsindirdi, kútiletin reaktsııalar qandaı bolýy múmkin ekenin aıtty. Biraz ýaqyttan keıin jubaıym vaktsınatsııaǵa keledi», - deıdi zeınetker Oljabaı Súleımenov.
«Qazaqstandyq jáne reseılik vaktsınalardyń arasynda eshqandaı aıyrmashylyq joq. Men flıýorografııaǵa bardym, vaktsınalaýǵa bolatynyn bildim. Vaktsına aldym. Men barlyq jurtqa vaktsınatsııadan ótýge keńes beremin. Kóptegen adamdar vaktsınatsııaǵa keledi dep úmittenemin, sol kezde biz qarapaıym ómirge tezirek oralamyz», – dep zeınetker Aleksandr Beıker óz tańdaýyn túsindirdi.
QazVac vaktsınasynyń alǵashqy 50 myń dozasy «SK-Farmatsııa» habtary boıynsha taratylyp, sodan keıin elimizdiń barlyq óńirleriniń densaýlyq saqtaý basqarmalarynyń qoımasyna jetkizildi.
Mamyr aıynda 50 myń doza kóleminde kezekti partııa shyǵarý josparlanýda. Ári qaraı vaktsına óndirisi birtindep aıyna 500-600 myń dozaǵa deıin artady.