Qaraǵandylyqtardy tegin onlaın til úırený kýrstaryna shaqyrady
08:10, 09 Sáýir 2020
QARAǴANDY. QazAqparat – Qaraǵandylyqtarda qazaq jáne aǵylshyn tilderin tegin úırenýge múmkindik paıda boldy. Qalalyq mádenıet jáne tilderdi damytý bólimi onlaın kýrstar ashady, dep habarlaıdy QazAqparat tilshisi.
Kýrstardyń uzaqtyǵy - 72 saǵat. Sáýir aıynan mamyr aıyna deıin aǵylshyn tilinen, al mamyr aıynan maýsym aıyna deıin qazaq tilinen dárister ótkiziledi.
«Bul kýrstar 18 jastan asqan eresekterge arnalǵan. Aǵylshyn tiliniń onlaın kýrsy 10 sáýirde bastalady. Bir topta 12-15 adamnan. Kýrs aıaqtalǵannan keıin emtıhan nátıjeleri boıynsha sertıfıkat beriledi», - deıdi «Qaraǵandy qalasynyń mádenıet jáne tilderdi damytý bólimi» MM ádiskeri Uljan Bóribaeva.
Til úırený kýrstary týraly tolyq aqparatty 50-65-59, 8-702-448-98-68 nómirleri boıynsha bilýge bolady.