Qaraǵandylyqtar Ýnıversıada Alaýynyń estafetasyn daıyndaýǵa 36 mln teńge jumsady

QARAǴANDY. QazAqparat - Aldaǵy Ýnıversıada Alaýynyń estafetasy úshin Qaraǵandy oblysynyń bıýdjetinen 36 mln. teńge bólindi, dep habarlaıdy «QazAqparat» HAA tilshisi oblystyq dene shynyqtyrý jáne sport basqarmasynyń basshylyǵyna silteme jasap.

«Shynynda, estafetany ótkizý úshin bıýdjetten qarjy bólindi. Sportshylardy daıyndaýǵa, jalpy bárine 36 mln teńge berildi, - dedi Qaraǵandy oblystyq dene shynyqtyrý jáne sport basqarmasynyń basshysy Natalıa Sýhorýkova óńirlik kommýnıkatsııalar qyzmetiniń brıfıngte. - Biz Alaý estafetasyn ótkizýdi uıymdastyrýǵa ashyq konkýrs ótkizdik. ÚEU-lar qatysty.  «Lýchık nadejdy» uıymy jeńip aldy.

Onyń aıtýynsha, sharaǵa tek qaraǵandylyq kompanııalar ǵana jumyldyryldy.

Qaraǵandydaǵy ár ýnıversıtettiń aldynda stýdentterdiń qatysýymen fleshmob ótkizý josparlanýda. Ár oqý ornynan - 20 erikti jasaqtaldy.

Buryn habarlanǵandaı, Qaraǵandyda Ýnıversıada Alaýynyń estafetasy 26 qańtar kúni ótedi. Alaýdy «ArselorMıttal Temırtaý» AQ-nyń №2 domna peshinen tutatyp alady.