Qaraǵandylyqtar saıası qýǵyn-súrgin jáne asharshylyq qurbandaryn eske aldy
Spassk kóptegen shet memleketter úshin umytylmas orynǵa aınaldy. Munda qýǵyn-súrginniń qyspaǵyna túsken adamdar máńgi uıqyda jatyr.
Qýǵyn-súrgin qurbandaryn eske alý úshin elshilikter men dıplomatııalyq mıssııa ókilderi mıtıngke keldi.
Munda túrli memleketter qýǵyn-súrginge ushyraǵan halyqtarǵa 28 eskertkish belgi ornatqan. Mıtıngke qatysýshylar olarǵa gúl shoǵyn qoıdy.
«Bul - ótken ǵasyrda bolǵan úlken tragedııa. Bizdiń paryzymyz – bul oqıǵalardy umyttyrmaý, barsha halyqtyń esinde saqtaý. Ekinshi dúnıejúzilik soǵys aıaqtalǵannan keıin Qazaqstan jerinde 50 myń japon qaldy. Onyń bári otanyna orala almady. Biraq búkil japon qazaqtarǵa baspana men kómek bergeni úshin alǵys aıtady, sonyń arqasynda olar aman qaldy», – dedi Japonııanyń Qazaqstandaǵy elshisi Djýn ıAmada.
«Búgin biz erkinen tys uly dalaǵa kelip, osynda máńgi qalǵandardy eske alamyz. Biz sol qıyn kezeńdi este saqtaýymyz kerek jáne bul qaıtalanbaýy úshin ony jańa urpaqtyń esine salyp, túsindirýimiz kerek. Bizdiń ata-babalarymyz da osynda jatyr. Men de - qýǵyn-súrginge ushyraǵandardyń urpaǵymyn. Tek qazaq halqynyń sheksiz meıiriminiń arqasynda basqa halyqtar aman qaldy», – deıdi Qazaqstannyń «Vaınah» sheshender men ıngýshter qaýymdastyǵynyń teń tóraǵasy ıÝsýp Kelıgov.
Spassk memorıaldy kesheni 2004 jyly totalıtarızm jyldaryndaǵy saıası qýǵyn-súrgin qurbandarynyń jerlengen jerinde quryldy.
Munda 1930-1950 jyldary KSRO ІІHK-ІІM bólimsheleri, áskerı tutqyndar men tutqyndarǵa, sondaı-aq qýǵyn-súrginge ushyraǵan KSRO azamattaryna arnalǵan lager boldy.
Spassk zıratynda 5 myńnan astam adam, 50-den astam ult ókilderi jerlengen.