Qaraǵandylyqtar medsaqtandyrý baılanys ortalyǵyna júgine alady

QARAǴANDY. QazAqparat - Qaraǵandy oblysynyń turǵyndarynan 2 aıda medıtsınalyq saqtandyrý baılanys ortalyǵyna 300-ge jýyq qońyraý kelip tústi. Olar 1406 nómirine keńes alý jáne medıtsınalyq uıymdarǵa shaǵym berý úshin qońyraý shalǵan, dep habarlaıdy QazAqparat tilshisi.

Eń jıi qoıylatyn suraqtardyń qatarynda ózin-ózi jumyspen qamtyǵandarǵa qalaı medıtsınalyq saqtandyrý qatysýshylary bolý kerek, kim medıtsınalyq saqtandyrý qoryna jarna tóleýden bosatylǵan, eger tekserý kezinde «saqtandyrylmaǵan» mártebesi anyqtalsa, ne isteý kerek degen saýaldar bar. «Adamdardyń qazir óz mártebesin tekserý qanshalyqty mańyzdy ekenin túsinýi óte mańyzdy. Muny HQKO arqyly, fms.kz Qor saıtynda, sondaı-aq SaqtandyryBot telegramm-bot arqyly júzege asyrýǵa bolady. Eger »saqtandyrylmaǵan« degen mártebe bolsa, al siz saqtandyrylǵanyńyzǵa senimdi bolsańyz, onda1406 nómirine qońyraý shalyp, ne bolǵanyn anyqtaý kerek. Jumys berýshi siz úshin aqsha aýdarmaǵan nemese siz óz betinshe jumyspen aınalysýshy qyzmetker bola tura, tólemdi ózderi jibermeı qalýy da múmkin», - deıdi Qaraǵandy oblysy boıynsha «Medıtsınalyq saqtandyrý qory» KEAQ fılıalynyń bólim basshysy Svetlana Şetkına.

Jıyrmaǵa jýyq qońyraý naqty medıtsınalyq uıymdar men dárigerlerge shaǵym jaıly boldy. Óńir turǵyndary oblystyń birneshe emhanalary men aýrýhanalarynda medıtsınalyq qyzmet sapasyna kóńili tolmaıtynyn málimdegen.