Qaraǵandylyqtar Mańǵystaý oblysyna 6 myń teń shóp jiberdi
14:30, 28 Shilde 2021
QARAǴANDY. QazAqparat - Qaraǵandylyqtar Mańǵystaý oblysy fermerleriniń problemalarynan tys qalǵan joq. Qurǵaqshylyqtyń saldarynan olar malǵa qajetti jem-shópsiz qaldy. Kenshiler shaharynyń turǵyndary 6 myń teń shóp jınap, attandyrdy, dep habarlaıdy QazAqparat tilshisi.
Qaraǵandylyqtar qurǵaqshylyqtan zardap shekken Mańǵystaý oblysyna 6 myń teń shóp jiberdi. QMDB tóraǵasy Naýryzbaı qajy Taǵanuly «Qıyndyqta el birge» qaıyrymdylyq jobasyna bastamashylyq etti.
Qaraǵandy oblysynyń din qyzmetkerleri, sondaı-aq meshitterdiń jamaǵaty qaıyrymdylyq aktsııasyna qatysty. Olar Mańǵystaý oblysynyń Shetpe jáne Beıneý aýdandarynda tórt vagon shóp jınap, jóneltýdi uıymdastyrdy.