Qaraǵandylyqtar latyn grafıkasyna qoldaý bildirdi

 QARAǴANDY. QazAqparat - Qaraǵandydaǵy Dostyq úıinde Qaraǵandy oblysy Qoǵamdyq keńesiniń qazaq tili álipbıiniń kırıllıtsadan latyn grafıkasyna kóshirilýi máselelerine arnalǵan keńeıtilgen otyrysy ótti. Bul jaıly oblystyq ákimdiktiń ishki saıasat basqarmasy habarlaıdy.

Otyrysqa Qaraǵandy oblysy Qoǵamdyq keńesiniń tóraǵasy Erqara Aımaǵambetov jetekshilik etti. Otyrys jumysyna ǵalymdar, ardagerler, Qazaqstan halqy Assambleıasynyń ǵylymı sarapshylar tobynyń, Analar keńesiniń, shaǵyn jáne orta bıznes, sondaı-aq jurtshylyq ókilderi, etnomádenı birlestikterdiń basshylary qatysty.

Sharada bilim berý isiniń ardageri H. Qorekbaev, fılologııa ǵylymdarynyń kandıdaty, E. Bóketov atyndaǵy QarMÝ-dyń qazaq til bilimi kafedrasynyń dotsenti M. Tursynova, Qaraǵandy oblysy Qurylysshylar qaýymdastyǵynyń vıtse-prezıdenti S. Kım, Qazaqstan halqy Assambleıasynyń Qaraǵandy oblystyq ǵylymı sarapshylar tobynyń jetekshisi V. Molotov-Lýchanskıı, Qaraǵandy oblystyq Jastar resýrs ortalyǵynyń dırektory A. Qurmanseıit baıandama jasady.

Sharaǵa qatysýshylardyń barlyǵy qazaq tili álipbıiniń latyn grafıkasyna kóshirilýiniń zor mańyzyna toqtalyp, bul der kezinde júrgizilip otyrǵan reforma ekenin tilge tıek etti. Otyrystyń qorytyndysyna oraı, oblystyń Qoǵamdyq keńesi Qaraǵandy oblysynyń turǵyndaryna úndeý joldady.