Qaraǵandylyqtar Gennadıı Golovkınge mýzeı ashpaq

QARAǴANDY. QazAqparat - Qaraǵandyda orta salmaqtaǵy əlem chempıony Gennadıı Golovkınge arnalǵan mýzeı ashylmaq, dep habarlaıdy Qazaqparat.

Mýzeıdiń ashylýy jeltoqsan aıyna josparlanyp otyr. Dəl sol ýaqytta nysannyń shyny sóreleri men stendteri daıyn bolady.

«Mýzeı Qaraǵandydaǵy Golovkın atyndaǵy dene shynyqtyrý jáne saýyqtyrý kesheniniń nysany janynan ashylady. Ər adam kez kelgen ýaqytta kelip tamashalaı alýy úshin mýzeı atalǵan keshenniń holynda bolady», - deıdi keshen  jetekshisi Rýslan Saıfımılıýkov.

Mýzeıge Golovkınniń kıgen boks qolǵaby, onyń shaıqastarynyń jarnamasy, Olımpıada oıyndarynda óner kórsetken aıaq kıimi qoıylady. Sonymen qatar ataqshy boksshynyń jankúıerleri chempıonnyń jekpe-jekterde sharshy alańǵa kıip shyǵatyn GGG jazýy bar shapanyn mýzeıden kóre alady.

Mýzeıge Golovkınniń jas kezinde ıe bolǵan alǵys hattary men kýboktary qoıylmaq. Qazirgi ýaqytta bul buıymdar Golovkınniń jeke arhıvinde saqtaýly. Keshenniń ujymy onyń bərin mýzeıge qoıý úshin Golovkınniń anasynan surap alýdy uıǵaryp otyr.

«Jastar álemge ataǵy jetken jerlesteriniń jetistigin kóre bilýi tıis. Sol arqyly maqsattaryn shyńdaı alady. Bizdiń maqsatymyz - jas býynǵa qanat bitirý», - deıdi Rýslan Saıfımılıýkov.

Aıta keteıik, Gennadıı Golovkın atyndaǵy dene shynyqtyrý jáne saýyqtyrý kesheni osy jyldyń 7 maýsymynda ashylǵan bolatyn. Nysan bıýdjettik qarajatqa salynǵan. Onda 25 metrlik basseın, shynyǵý zaly, boks sharshy alańdary men eki fýtbol alańy bar.