Qaraǵandylyqtar Elbasyna saýlyq tilep, hat joldaýda

NUR-SULTAN. QazAqparat – Qaraǵandylyqtar QR Tuńǵysh Prezıdenti – Elbasy Nursultan Nazarbaevtyń tezirek saýyǵyp ketýin tilep jatyr. Oblystaǵy kóptegen eńbek ujymdary qoldaý bildirýde, dep habarlaıdy QazAqparat.

Qazaqmys kompanııalar toby, kenshiler, baıytýshylar men metallýrgterdiń eńbek ujymdary Elbasyǵa optımızm men energııa tiledi.

«Bizdiń Elbasymyz, sizge tezirek saýyǵyp ketýdi tileımiz!

Pandemııamen baılanysty qazirgi kúrdeli jaǵdaıda, biz koronovırýs ınfektsııasyna qarsy kúreste memlekettik bastamalarǵa belsendi qatysamyz.

Qazaqmys jumysshylardyń densaýlyǵyn saqtaý jáne óndiristiń ári qaraı úzdiksiz jalǵasýyn qamtamasyz etý úshin barlyq qoldan keletin sharalardy jasap jatyr. Siz sııaqty rýhy myqty adam bul synaqty jeńe alady dep senemiz!» delingen hatta.

Ónerkásiptik kásiporyndar men jumysshylar Elbasynyń tezirek saýyǵýyp ketýin tiledi.

«Nursultan Nazarbaev Qaraǵandy óńirine ystyq yqylaspen jáne erekshe meıirimmen qaraıdy. Bizdiń Tuńǵysh Prezıdentimiz kúrdeli synaqtardy oıdaǵydaı eńserip keledi. Elbasy bul aýrýdan tezirek aıyǵatynyna senimdimiz», - dep tilek bildirdi qaraǵandylyqtar.

Tuńǵysh Prezıdentke «Shubarkól Kómir» AQ, «Qazmyrysh» ken basqarmasy, «Sary Arka Copper Processing» JShS, «Altynalmas» AQ, «Koýnrad mys kompanııasy» JShS, «Altaı Polımetally» JShS, «Gefest» kompanııalar toby, «GK SAT Komir» AQ jáne basqa kompanııalar ujymy saýlyq tilep, telegramma jiberdi.