Qaraǵandylyqtar bir jyl ishinde patsıentterdi qoldaý qyzmetine 3 myń ret júgingen
Jeti beıindi ortalyqtan turatyn oblystyq klınıkalyq aýrýhanada patsıentterden ótinishter birneshe arna arqyly birden qabyldanady - tikeleı uıymǵa, elektrondyq poshta, biryńǵaı e-otinish platformasy, call-center, messendjerler, saıt jáne áleýmettik jeliler arqyly júgingen kezde.
2022 jyly aýrýhananyń patsıentterdi qoldaý qyzmetine negizinen anyqtamalyq sıpattaǵy 3 myńnan astam ótinish tústi. Oblys turǵyndary MÁMS aıasynda aýrýhana mamandarynyń qabyldaýyna qalaı jazylýǵa, aýrýhana ortalyqtarynda qalaı emge jatqyzylýǵa jáne t.b. boıynsha qyzyǵýshylyq tanytty. Ótinishterdiń basym bóligi dárigerler týraly, oblystyq klınıkalyq aýrýhananyń ártúrli ortalyqtarynyń bólimsheleri týraly pikirler, medıtsına qyzmetkerlerine alǵys boldy.
«Shaǵym» jáne «ótinish» degen uǵym bar. Shaǵym medıtsına qyzmetkeriniń kásibı etıka normalaryn buzýyna, medıtsınalyq kómektiń qandaı da bir túrleriniń qoljetimsizdigine nemese sapasyna qatysty bolýy múmkin. Bizde osyndaı 6 ótinish boldy, biz olardy muqııat qarastyrdyq. Bizdiń patsıentter qanaǵattandy. Shaǵymdar men ótinishter ótken jyldarmen salystyrǵanda sapa jaǵynan ózgerdi. Eger buryn shaǵymdar medıtsınalyq kómektiń sapasyna qatysty bolsa, qazir olar turmystyq máselelerge – palatanyń jylýyna, tósek tazalyǵy, tamaqtaný, ıaǵnı aýtsorsıngke tartylǵan jerde. Bul qyzmetterdi syrtqy kompanııalar kórsetedi. Árıne, bizge de, sanıtarlar men medbıkelerdiń jumysyna qatysty suraqtar da qoıyldy. Deontologııa boıynsha ótinishter ózgerdi, olar aıtarlyqtaı azaıdy, óıtkeni biz medıtsınalyq qyzmetkerlerdiń oqytýyna kóp ýaqyt bólemiz, biz patsıentke baǵdarlanǵan uıymbyz. Biz patsıenttiń emdelgenin jáne olardyń jaǵdaıy jaıly bolǵanyn qalaımyz», - deıdi oblystyq klınıkalyq aýrýhanasy dırektorynyń sapany baqylaý boıynsha orynbasary Lıýtsııa Gomel.
Aýtsorsıng sheńberinde medıtsınalyq uıymdarda óz qyzmetterin kórsetetin kompanııalarǵa shaǵym túsken jaǵdaılarda - tamaqtaný, kir jýý, deratızatsııa, dezınfektsııa boıynsha - sapany baqylaý qyzmeti aýtsorsıng basshysyna shaǵym hat jazady. Ótken jyly birneshe uqsas jaǵdaılar talqylanyp, aýtsorsıngtik kompanııa keshirim surap qyzmet birden aýystyryldy.
«Biz sapaly medıtsınalyq qyzmet kórsetýge múddelimiz. Bizdiń qurylym bolashaqta mundaı qatelikterdiń aldyn alý úshin jáne qaı jerde qateleskenimizdi anyqtaý týraly aqparatqa qol jetkizýdiń kóbirek arnalaryn qamtamasyz etý úshin qurylǵan», - deıdi Lıýtsııa Gomel.
Foto: Oblystyq klınıkalyq aýrýhanasy