Qaraǵandylyqtar avtobýsqa arnalǵan elektrondy bıletti qaıdan ala alady

QARAǴANDY. QazAqparat – Qaraǵandyda 2022 jyldyń 1 qańtarynan bastap qaǵaz jol júrý bıleti aınalymnan shyǵady. Qoǵamdyq kólikte jol júrý tólemi ONAY kartasymen nemese qolma-qol aqshamen júzege asyrylady, dep habarlaıdy QazAqparat tilshisi.

Jańa jyldan bastap elektrondy aılyq jol júrý bıletin satyp alý mobıldi qosymshada qoljetimdi bolady.

Ony aǵymdaǵy aıdyń 11-shi kúninen bastap kelesi aıdyń 10-shy kúnine deıin qoldanýǵa bolady.

Jol júrý bıletin iske qosý úshin ózińizdiń kólik kartańyzdyń balansyn 6 000 teńgege toltyrý qajet.

Sonymen qatar, kartada bir sapardyń tólemaqysy bolýy kerek. ıAǵnı jalpy kartada 6 080 teńgeden kem bolmaýy tıis.

Jol júrý bıletin aktıvatsııalaý shemasy: «tólemder» bólimine, odan ári – «jol júrý bıletterine» kirý jáne «satyp alý» batyrmasyn basý.

Elektrondyq jol júrý bıletimen siz bir aı ishinde qalaishilik marshrýttarda shekteýsiz saparlar jasaı alasyz.

Jol júrý bıletin kólik kartasy termınalǵa qosa berilgen kezde ǵana paıdalanýǵa bolady. Satyp alynǵan jol júrý bıleti qaıtarylmaıdy.

1 qańtardan bastap qaǵaz áleýmettik jol júrý qujattary da toqtatylady.

Jeńildik kartalaryn almastyrý júrgizildi. Eger siz bıletińizdi aýysyryp úlgermeseńiz, ONAY fılıaldaryna habarlasyńyz.

Olardyń mekenjaıy:

1. ONAY qyzmet kórsetý ortalyǵy, Kommýnaldy k-si, 3.

2. Open Karaganda, Nazarbaev dańǵyly, 39.

3. «Taır» SÚ, Buqar jyraý d-ly, 88/2 bet.

4. «Raha» SÚ, Muqanov k-si, 9.

5. «Umaı» SÚ, Karl Marks k-si, 9.

6. «Jańa Maıqudyq» MÚ, Magnıtogorskaıa k-si, 19.

7. «Molodejnyı» MÚ, Metallıster k-si, 24/2 st.

8. Halyq bankiniń bólimshesi, Manýılskıı k-si, 17a.

2022 jyldyń 1 aqpanynan bastap Qaraǵandyda qalaishilik marshrýttarda saralanǵan tarıf engiziledi.

Kólik kartasymen tóleý kezinde jol júrý quny - 80 teńge, al qolma-qol aqshamen – 150 teńge.

№ 107, 121, 122, 127, 146, 165 qalaaralyq marshrýttarda elektrondy jolaqy joq.