Qaraǵandylyq jaýyngerdiń súıegi arada 80 jyl ótkende týǵan aýylynda qaıta jerlenedi

QARAǴANDY. QazAqparat – Máskeýde ornalasqan Qazaqstan elshiligine 5 mamyr kúni Uly Otan soǵysynda qaza tapqan qazaqstandyq sarbaz Medet Amanjolovtyń súıegi tapsyryldy, dep habarlaıdy QazAqparat tilshisi.

Maıdanda qaza tapqan jaýyngerdiń máıiti 80 jyldan keıin otanyna oralady. Týystary soldattyń súıegin úlken syı-qurmetpen týǵan aýylynda jerleýdi josparlap otyr.

«Keshe meniń aǵamnyń súıegi RF-daǵy Qazaqstan elshiligine berildi. Jaqyn arada ony Qazaqstanǵa jiberedi. Muny 9 mamyrǵa deıin jasaý josparlanǵan bolatyn. Karantın alynǵannan keıin biz onyń súıegin Nur-Sultannan Qaraǵandyǵa alyp kelemiz. Aǵamyzdy Aǵadyrǵa, ákesi men aǵasynyń qasyna qaıta jerlegimiz keledi», - deıdi Medet Amanjolovtyń nemere inisi Arman.

Esterińizge sala keteıik, Smolensk oblysy Temkın aýdanynyń aýmaǵynda izdeý-barlaý sharalary kezinde «Trızna» izdeý birlestigi» ÓJQU ókilderi 1917 jyly týǵan, Qaraǵandy oblysy Shet aýdany Jasterek aýylynyń týmasy Medet Amanjolovtyń máıitin tapqan bolatyn.

Ol 1942 jyly maıdanda qaza tapqan. Saqtalyp qalǵan «qaza bolý medalonynyń» arqasynda qaza tapqan jaýynger esimi anyqtaldy.