Qaraǵandylyq jastar Prezıdent reformalaryna qoldaý bildirdi

QARAǴANDY. QazAqparat – «Jas Otan» jastar qanaty Qaraǵandy oblystyń fılıalynyń tóraǵasy Erjan Hamıtov qaraǵandylyq jastardyń atynan Qazaqstan Prezıdenti Qasym-Jomart Toqaev usynǵan reformalar paketine qoldaý bildirdi, dep habarlaıdy QazAqparat tilshisi.

«Jyl basy bizdiń elimiz úshin ońaı bolǵan joq. Búkil Qazaqstan jappaı tártipsizdikterge ushyrady. Keıbir qalalarda bandalyq qurylymdar qylmystyq árketterge bardy. Elimiz memlekettilikke qabilettilik emtıhanyn tapsyrdy.

Bul óte aýyr boldy.

Biraq biz emtıhandy tapsyra aldyq.

Ashyǵyn aıtqanda, Qazaqstan aýmaqtyq tutastyǵyn joǵaltý sheginde boldy.

Bizdiń qalamyzda Jańaózendi qoldaýǵa arnalǵan beıbit narazylyq aktsııasy ótti. Men mıtıng ótkizý ornynda boldym. Barlyǵy beıbit, zańsyz árekettersiz ótti. Sol úshin qaraǵandylyqtarǵa alǵysymdy bildiremin», - dedi Erjan Hamıtov.

Sondaı-aq «Jas Otan» JQ Qaraǵandy oblystyq fılıalynyń tóraǵasy prezıdenttik reformalardan keıin jarqyn bolashaqqa úmit bildiretinin jetkizdi.

«Búgin el Prezıdenti Qasym-Jomart Kemeluly Toqaev Májiliste reformalar paketin ortaǵa saldy. Sondaı-aq Qazaqstannyń jańa Premer-Mınıstri Álıhan Smaıylov taǵaıyndaldy.

Aldaǵy reformalar elimizdiń áleýmettik-saıası damýyna oń áser etetinine senimdimin.

Jaqyn arada antıterrorıstik operatsııa aıaqtalady. Tártipsizdikterge qatysy bar barlyq tonaýshylar men tulǵalar zańnyń barlyq qatań baptary boıynsha jaýapkershilikke tartylýy tıis.

Qurmetti jerlester, sizderdi qoǵamdyq tártipti saqtaýǵa, arandatýshylyqqa boı aldyrmaýǵa jáne komendanttyq saǵatty qatań saqtaýǵa shaqyramyn», - dedi «Jas Otan» JQ QOF tóraǵasy.