Qaraǵandylyq jastar ınternatsıonalıst-jaýyngermen kezdesti
Kezdesý «JASTAR ALAŃY» kovorkıng ortalyǵynda ótti. Aǵa býynnyń erligin keıingi urpaqqa úlgi etý, jastardy ultjandylyqqa, otansúıgishtikke tárbıeleý maqsatynda ótkizilip jatqan «Erlik sabaǵyn» ortalyq dırektory Bahtıar Bekmýrzaev ashty.
1993-1999 jyldar aralyǵynda elimiz Іshki áskeriniń jedel maqsattaǵy bóliminiń 2 myńnan astam jaýyngeri men ofıtseri tájik-aýǵan shekarasynda jaýyngerlik mindetterin oryndady. Sarbazdar TMD shekarasynyń ońtústik shebin, Aýǵanstanmen shektesetin eń aýyr jáne qıyn ýchaskeniń tynyshtyǵyn kúzetti. Olardyń basty maqsaty jalpy saıası jaǵdaıdyń turaqtanýyna deıin tájik-aýǵan shekarasyndaǵy ahýaldy retke keltirý boldy. Sonymen qatar, gýmanıtarlyq kómek taýarlarynyń jáne bosqyndardyń qaýipsiz jetýin qadaǵalaý, mańyzdy nysandardy qorǵaý edi. Eń joıqyn qaqtyǵys 1995 jyly Pamır taýlaryndaǵy Pshıhavr shatqalynda oryn aldy. Sol jerde sodyrlarmen bolǵan atysta 17 qazaqstandyq qaza tapty. Mine, osy bozdaqtardy eske alyp, olardyń rýhyna taǵzym etý - jyl saıynǵy úrdiske aınalǵan ıgi shara.
Kezdesý barysynda jastar Nurbolat Aıaǵanovqa qyzyqtyrǵan suraqtaryn qoıdy. Óz kezeginde ınternatsıonalıst-jaýynger keleshek urpaqty patrıotızmge, Otan aldyndaǵy boryshty óteýge shaqyrdy.