Qaraǵandylyq jastar arasyndaǵy poezııalyq jekpe-jek nátıjesi jarııalandy

QARAǴANDY. QazAqparat – Jezqazǵandyq stýdent Qazaqstan Táýelsizdiginiń 30 jyldyǵyna arnalǵan Qaraǵandy oblysynyń jastary arasyndaǵy poezııalyq dýelde birinshi oryn aldy, dep habarlaıdy QazAqparat tilshisi.

Shyǵarmashylyq jekpe-jekti Jastar saıasaty máseleleri jónindegi basqarma uıymdastyrdy. Baıqaýǵa barlyǵy 20 jas aqyn qatysty. Olar qazylar alqasyna úsh shyǵarmadan usyndy. Olardyń biri el Táýelsizdiginiń 30 jyldyǵy taqyrybyna arnaldy, sodan keıin oflaın-formatta óz óleńderiniń birin oqydy.

Nátıjesinde, birinshi oryndy Jezqazǵan qalasynyń Mýzykalyq kolledjiniń 4-kýrs stýdenti Mádı Oljabaı ıelendi. Ekinshi orynda – Qaztutynýodaǵy Qaraǵandy ýnıversıtetiniń 2-kýrs oqýshysy Janerke Kaderbek. Úshinshi oryndy Qaraǵandy ýnıversıtetiniń 4-kýrs stýdenti jáne birinshi kýrs stýdenti Bektas Juman men Tileýjan Qamyspaev ózara bólisti.

«Men besinshi synyptan bastap óleń jazamyn. «Anaǵa arnaý» atty alǵashqy óleńin anasyna arnadym. Baıqaýǵa úsh týyndy usyndym – «Men qazaqpyn», «Abaı – bir álem» jáne «Keshirshi, janym». Al fınalda «Sen meni...» jáne «Men ǵashyq bola almaı júrmin» óleńderin oqydym. Jeńiske jetkenime qýanyshtymyn. Osy baıqaýǵa deıin de belgili bir jetistikterge jetken edim – oblystyq konkýrstarda eki ret Gran-prı aldym, sondaı-aq aýdandyq Abaı oqýlarynda birinshi boldym», – dedi Mádı Oljabaı.

Baıqaý qatysýshylaryna alǵys hattar men arnaıy músinsheler tabystaldy. Jeńimpazdar dıplommen jáne aqshalaı sertıfıkattarmen marapattaldy. Úzdik óleńder Facebook jáne Instagram áleýmettik jelilerinde jarııalanady.