Qaraǵandylyq jas dombyrashylar halyqaralyq festıvaldiń bas júldesin jeńip aldy

QARAǴANDY. QazAqparat – Qaraǵandy qalasynyń «Qaraqat» mektep-stýdııasynyń tárbıelenýshileri ISTANBUL AUTUMN І halyqaralyq óner festıvalinde joǵary nátıje kórsetti. Túrkııada ótken baıqaýda jas daryndar 21 medal, kýbok jáne segiz joldama jeńip aldy. Al festıvaldiń Bas júldesin «Samǵaý» dombyrashylar ansambli ıelendi.

«Bizdiń ujym qyrkúıek aıynda qurylyp, eki aıdyń ishinde úsh kúı úırendik. Baıqaýda olardyń ekeýi – «Kókserek» pen «Sekirtpe» oryndadyq. Ansamblde bizde 11 bala bar. Festıvalde qazylar alqasyna bizdiń nomınatsııa brıynsha 48 qoıylym usynyldy. Baıqaýǵa qatysýshylar bes elden boldy. Biz Gran-prı ıegerleri retinde taǵy eki joldama aldyq – Bolgarııa men Italııaǵa. Italııada baıqaý shilde aıynda, al Bolgarııada tamyz aıynda ótedi. Biz olarǵa daıyndyqty bastap kettik jáne jaqsy nátıjelerge qol jetkizemiz dep úmittenemiz», – dedi ansambl jetekshisi Jazıra Omarova.

Sondaı-aq, qaraǵandylyq talanttar «Vokal» nomınatsııasynda jaqsy nátıjeler kórsetti. Janııa Amanjol, Aılana Marat, Samal Jomarthan, Tileý Serikqalı birinshi oryndy ıelenip, Italııaǵa joldama aldy.

Osy kategorııada birinshi bolyp Aısha Tóleýbek, Álıhan Jumabek boldy.

Úshinshi orynda – Arlan men Dinmuhammed Begendik. Jetekshileri – Bımarııa Ybyraı jáne Juldyzaı Qumash.

«Dástúrli án» nomınatsııasy boıynsha Ersultan Tóleýbek «Bastaý» ánimen 1-shi orynǵa ıe bolyp, Italııaǵa joldama aldy. Jetekshisi – Kámshat Múslimova.

Tolqyn Baıshaǵyr bastaǵan «Aqqý» (jetigen) ansambli 2-shi orynǵa jaıǵasyp, Bolgarııaǵa joldama aldy.