Qaraǵandylyq jas ártister halyqaralyq teatr festıvalinde eki bas júldeni ıelendi

QARAǴANDY. QazAqparat - «Teatr-Shyǵarmashylyq-Talant» Halyqaralyq balalar jáne jasóspirimder festıval-baıqaýynda qaraǵandylyq ártister qos Gran-prı utyp aldy, dep habarlaıdy QazAqparat tilshisi.

K.Stanıslavskıı atyndaǵy teatr sahnasynda 1-2 sáýirde úzdik balalar men jastar ujymdary bas qosty. Qaraǵandy qalasy ıÝNESKO-klýbynyń № 2 óner mektebiniń jas ártisteri «Spektakl» jáne «Kórkem sóz» nomınatsııalary boıynsha eki Gran-prıdi jeńip aldy.

Festıvaldi Dýman Ákimniń Shyǵarmashylyq ortalyǵy uıymdastyrdy. Qaraǵandylyqtardyń shyǵarmashylyq jobasyn Qazaqstan Respýblıkasynyń Tuńǵysh Prezıdenti - Elbasy Qory qoldap, grant bóldi. Baıqaýdyń ereksheligi - onda kásibı ujymdar men áýesqoı stýdııalar óner kórsetedi.

Bıyl festıvalge Qazaqstan men Reseıden kelgen 8 jastan 23 jasqa deıingi 200-den astam jas ártister qatysty. Qaraǵandy teatrynyń sahnasynda oblystyń basqa qalalarynan, Nur-Sultan, Aqmola, Pavlodar, Soltústik Qazaqstan oblystarynan, sondaı-aq Reseıdiń Novosibir men Kemerovo qalalarynan kelgen ujymdar óner kórsetti.

Festıval uıymdastyrýshysynyń aıtýynsha, keı qatysýshylar bul sharaǵa úshinshi jyl qatarynan syılyq úshin emes, tájirıbe almasý úshin keledi eken.

Festıval aıasynda «Malenkıı prınts», «Bojestvennaıa komedııa», «Hozıaıka mednoı gory» jáne t.b. shyǵarmalar boıynsha spektaklder kórsetildi. Baıqaýǵa qatysýshylar mysal-ertegiler, óleńder oqyp, ádebı-mýzykalyq kompozıtsııalar oryndady.

Qoıylymdardy kásibı qazylar alqasy baǵalady. Onyń quramyna QR Mádenıet qaıratkeri, teatr jáne kıno akteri Qaırat Kemalov, Qyrǵyzstannyń Halyq ártisi Sergeı Matveev jáne Táttimbet atyndaǵy óner kolledjiniń «Rejıssýra» bóliminiń meńgerýshisi Lıýbov Popova kirdi.

Qaraǵandylyqtar «Vse myshı lıýbıat syr» (D. Ýrban) spektakli jáne «Bojestvennaıa komedııa» ádebı kompozıtsııasyn oryndap, joǵary marapatqa ıe boldy. Sondaı-aq Qaraǵandy jáne Jezqazǵannyń basqa da óner ujymdary birinshi jáne júldeli oryndardy jeńip aldy.

Jeńimpazdar men júldegerler aqshalaı syılyqtarǵa ıe boldy. Sonymen qatar, qazylar alqasy úzdik jas ártisterin tańdady. Ujymdar úzdik rejıssýra, teatr kostıýmderi, spektakldiń mýzykalyq rásimdelýi jáne taǵy basqa qosymsha nomınatsııalar boıynsha da marapattaldy.

Festıval aıasynda jetekshi mádenıet qaıratkerleri sheberlik saǵatyn uıymdastyrdy.