Qaraǵandylyq stýdentter usynǵan eki startap respýblıkalyq baıqaýda úzdik boldy

QARAǴANDY. QazAqparat – Qaraǵandy medıtsına ýnıversıtetiniń komandalary Tumar Student Business Challenge stýdenttik startaptar men bıznester baıqaýynda jeńimpaz atandy, dep habarlaıdy QazAqparat tilshisi.

Bul shara «Stýdenttik kásipkerliktiń ekojúıesi» bastamasy aıasynda úshinshi ret ótkizilip otyr.

Bıyl baıqaýǵa Qaraǵandy, Aqtóbe, Qostanaı jáne Pavlodar qalalarynan 106 ýnıversıtet pen kolledj komandalary óz startaptary men jobalaryn usyndy.

Onyń on besi jeńimpaz dep tanyldy.

Qaraǵandylyq medıtsına stýdentteri eki startappen shyqty - áleýmettik dárihana jáne saýda avtomattary (vendıngtik saýda) arqyly medıtsına maqsatyndaǵy taýarlardy satatyn jáne buıymdardy odan ári kádege jaratatyn jergilikti kompanııa.

Ekeýi de úzdikter qataryna endi.

Ázirleýshiler Nur-Sultanda ótetin Entrepreneurial Meetup-qa shaqyrý aldy.

Barlyq jeńimpaz komandalar «Stýdenttik kásipkerliktiń ekojúıesi» jobasynyń rezıdenti bolady jáne onyń barlyq bastamalaryna qatysa alady.

Stýdenttik kásipkerliktiń ekojúıesi 2017 jyly ERG (Eýrazııalyq Top) kompanııasynyń bastamasymen, Almaty menedjment ýnıversıtetimen jáne Qazaqstandaǵy Tel-Avıv Ýnıversıtetiniń dostar qaýymdastyǵymen seriktestikte iske qosyldy.