Qaraǵandylyq polıtseıler jalǵyzbasty anaǵa kómek kórsetti
Qaraǵandy polıtseıleri Oktıabr aýdanynyń Rabochıı aýylynda turatyn tolyq emes otbasyna baryp qaıtty. Birneshe jyldan beri Aınur Japarova jalǵyz ózi úsh balany tárbıelep otyr. Búgingi kúni jalǵyzbasty áıel kómekke muqtaj jáne kómir satyp ala almaı otyrǵanyn jetkizgen.
Onyń áleýmettik jáne turmystyq problemalary týraly estigen jedel áreket etý jasaǵynyń qyzmetkerleri qıyn kezeńde áıelge materıaldyq kómek kórsetýdi uıǵarǵan. Tártip saqshylary otbasyna azyq-túlik pen kómir satyp áperdi. Sonymen qatar qysqy otyn daıyndap, saraıdaǵy shatyrdy bekitti jáne aýlasyn tazalap berdi.
«Biz bul otbasyna kómektesý bastamasyn biraýyzdan qoldadyq. Bir-aq kúnde qarajat jınap, negizgi qajettilikterdi satyp aldyq. Biz osyndaı otbasylarǵa kómektesýge múmkindigi bar adamdardy ózgelerdiń problemalaryna nemquraıly qaramaýǵa shaqyramyz», - deıdi polıtsııa jedel ýákili, jedel-qutqarý jasaǵynyń aǵa ınspektory polıtsııa kapıtany Marat Nurǵalıev.
Óz kezeginde jalǵyzbasty ana polıtsııaǵa úlken rızashylyǵyn bildirdi.