Qaraǵandylyq polıtseıler qala shetindegi orman alqabynan qarý-jaraq pen oq-dáriler tapty

ASTANA. QazAqparat – Qaraǵandylyq polıtseıler 3 tamyz kúni keshke qala shetindegi orman alqabynan jasyrylǵan qarý-jaraq pen oq-dáriler tapty, – dep habarlaıdy Polisia.kz-ke silteme jasap.

Saıttaǵy málimetterge qaraǵanda, jedel-izdestirý sharasyn oblystyq Polıtsııa departamenti krımınaldyq polıtsııa basqarmasynyń qyzmetkerleri ІІM qylmystyq-atqarý júıesi komıtetiniń jedel basqarma qyzmetkerlerimen birlesip júrgizgen.

Oqıǵa ornynan jedel-tergeý toby qyzmetkerleri «Baıkal» markaly tegis uńǵyly myltyq, «Sovaj» markaly qos uńǵyly karabın, 12 kalıbrli qos uńǵyly sholaq myltyq, IJ-21 tegis uńǵyly myltyq, Makarov tapanshasy, ártúrli kalıbrli 188 birlik oq-dáriler jáne ishinde 1440 patrony bar mórlengen myrysh qorap tárkiledi.

Qazirgi ýaqytta tárkilengen qarý-jaraq pen oq-dárilerge tıisti saraptamalar taǵaıyndaldy.

Atalǵan derek boıynsha Qazaqstan Respýblıkasy Qylmystyq kodeksiniń 287-baby 3-bóligine sáıkes qylmystyq is qozǵaldy. Atalǵan baptyń sanktsııasyna sáıkes bes jylǵa deıin bas bostandyǵyn shekteýge ne bolmasa sol merzimge bas bostandyǵynan aıyrý jazasy kózdelgen.