Qaraǵandylyq ónerpazdar Qyrǵyzstanda ótken etnokarnavaldyń jeńimpazy atandy

QARAǴANDY. QazAqparat – Qaraǵandynyń № 3 Balalar mýzyka mektebiniń tárbıelenýshileri XXII halyqaralyq etnokarnavaldyń «Ystyqkól dostaryn jınaıdy» oryndaýshylar baıqaýynda birden tórt birinshi oryndy jeńip aldy, dep habarlaıdy QazAqparat tilshisi.

Bishkekte «Ystyqkól dostaryn jınaıdy» etnokarnavalynyń ashylýy qatysýshylardyń sherýimen ótti jáne taý ekojúıeleri men klımattyq turaqtylyqty qorǵaý jylyna arnaldy.

Іs-sharaǵa Reseı, Belarýs, Qazaqstan, Ózbekstan jáne Qyrǵyzstannyń barlyq aımaqtarynan 500-den astam balalar men ókilder qatysty.

Oryndaýshylar men vokalıster baıqaýy Ystyqkól kólindegi «Barchyn» lageriniń bazasynda ótti. Qaraǵandy qalasynyń № 3 mýzyka mektebiniń tárbıelenýshileri bul sharaǵa alǵash ret qatysty. Mektep pedagogtary baıqaýǵa 10–15 jas aralyǵyndaǵy 11 balany daıyndady.

«Bizdiń ansambl alǵash ret halyqaralyq etnokarnavalǵa qatysty, onyń aıasynda oryndaýshylar baıqaýy jáne ǵylymı-praktıkalyq konferentsııa ótti. Biz vokaldyq jáne aspaptyq nomınatsııalarǵa qatysqan 11 balany daıyndadyq. «Serper» dombyrashylar ansambli Sh.Dáýletkereıdiń «Kóriǵuly» jáne Ataı Ogonbaevtyń «Mash botoı» kúılerin oryndap, birinshi orynǵa ıe boldy», – deıdi № 3 Balalar mýzyka mektebiniń dombyra synyby boıynsha oqytýshysy Elmıra Abdýllına.

Dombyrashy Baǵdat Arýjan Á. Eńsepovtiń «Shashý» jáne A. Ogonbaevtyń «Mash botoı» kúılerin oryndaǵany úshin birinshi orynǵa ıe boldy.

ERKEM AI vokaldyq ansambli Álibı Ábdinurov pen Meıirbek Atabekov «Týǵan jer» jáne «Muras» ánderin oryndap, qazylar alqasyn tánti etti. Ol sondaı-aq birinshi orynǵa ıe boldy. Vokaldyq ansambl jetekshisi – Armangúl Muhanova.

«Bizdiń mektepke taǵy bir birinshi oryndy Qajymuqan Túsip jáne Sultantemir Ábilqasym vokaldyq dýeti alyp berdi. Olar J.Tólebaevtyń «Men qazaqtyń ulymyn» jáne M. Magomaevtyń «Sınıaıa vechnost» ánderin oryndady. Biz balalardy baıqaýǵa daıyndaýdy eki aı buryn, oqý aıaqtalǵan kezde bastadyq. Bul bizdiń halyqaralyq alańdardaǵy alǵashqy jeńisimiz. Alda áli de túrli jeńisterge jetemiz dep úmittenemiz. Tárbıelenýshilerimiz de, biz ózimiz de kóptegen jaǵymdy emotsııalar aldyq, jańa dostar taba aldyq. Bizdiń balalarymyz úshin Qyrǵyzstannyń Bilim jáne ǵylym mınıstrinen qabyldaý uıymdastyryldy. Ol olarǵa estelik syılyqtar berdi», – deıdi Elmıra Abdýllına.