Qaraǵandylyq oqýshylarǵa arnalǵan jańa ólketaný oqýlyǵy jaryq kórdi
Jańa oqýlyqtyń tusaýkeseri Oblystyq tarıxı-ólketaný murajaıynda pedagogtardyń, sarapshylar jáne ata-analar qaýymynyń qatysýymen ótti. Oqýlyqty daıyndaý barysynda quramyna E.A. Bóketov atyndaǵy Qaraǵandy memlekettik ýnıversıtetiniń ǵalymdary, Qaraǵandy oblysynyń bilimdi damytý oqý-ádistemelik ortalyǵynyń qyzmetkerleri engen avtorlyq ujym jumys istedi. Sondaı-aq ólketanýshylar, aımaqtyq tarıxı-ólketaný murajaılardyń qyzmetkerleri kómektesken.
«Ólketaný» kýrsy biriktirilgen bolyp tabylady, onyń quramynda tarıx, geografııa, ádebıet, mádenıet, mýzyka, óner jáne t.b. pánder kiredi. Maqsaty - oqýshylarǵa tek týǵan ólkesi týraly bilim berip qana qoımaı, sonymen qatar olardyń boıynda zertteýlik qyzyǵýshylyqty oıatý bolyp tabylady. Ólketaný týraly qaraǵandylyq oqýlyq elimizdegi úzdikterdiń biri bolyp tanyldy.
«Oqýlyq jappaı taralymmen memlekettik tapsyrys boıynsha bıýddettik qarajat esebinen basylyp shyǵarylady. Ony oblysymyzdyń barlyq orta bilim berý mektepteri alady, jánede 1-shi qyrkúıekten bastap sabaqta qoldanylady», - dep málimdedi Qaraǵandy oblystyq Bilim basqarmasynyń basshysy Esenǵazy Imanǵalıev.