Qaraǵandylyq oqýshylar júrek aýrýyn emdeýge arnalǵan qurylǵy oılap tapty

QARAǴANDY. QazAqparat – Qaraǵandydaǵy Nazarbaev zııatkerlik mektebiniń 9-synyp oqýshylary Aldııar Naqyp pen Alpamys Isabekov júrek aýrýymen aýyratyn adamdar úshin arnaıy qurylǵy ázirledi, dep habarlaıdy QazAqparat tilshisi.

«Implanttalatyn kardıostımýlıatsııa jáne defıbrıllıatsııa júıesi» jobasy Astanada ótken baıqaýda I oryn aldy. Jumysty sátti qorǵaǵany úshin Aldııar Naqypqa Qazaqstan-Brıtan tehnıkalyq ýnıversıtetiniń granty berildi.

«Bizdiń qurylǵy teri astyna ımplantatsııalanady, al elektrodtar qan tamyrlary arqyly júrekke ornatylady. Qurylǵy aýrýdyń túrin birden anyqtaıdy jáne arnaıy elektrlik ımpýlstardy jiberedi. Bul ımpýlstar júrek bulshyqetterine áser etedi, olardyń jumysyn tejeıdi nemese tezdetedi», - dedi ol.

Kardıostımýlıatsııa jáne defıbrıllıatsııa júıesi tahıkardııany, bradıkardııany jáne qarynshalar fıbrıllıatsııasyn emdeýge kómektesedi.

Oqýshy atalǵan jobany Nazarbaev zııatkerlik mektepteriniń Naýryz kezdesýlerinde tanystyrdy. Bıylǵy jyly bıomedıtsına, ınjenerııa jáne tehnologııalar baıqaýyna 6 sektsııada 100-ge jýyq joba qatysqan. Qaraǵandylyq oqýshylardyń jumysy «Aqyldy» protezder men olardyń elementterin jasaý» sanatynda úzdik dep tanyldy.

Al, Qaraǵandy NIS-tiń taǵy bir oqýshysy Ulan Mustafın «Adam aǵzasynyń fýnktsıonaldyq jaı-kúıin monıtorıngileýge arnalǵan apparattyq-baǵdarlamalyq quraldar» sektsııasynda 3-oryndy ıelendi.

Naýryz kezdesýlerinde qaraǵandylyq oqýshylar bes jobany usyndy. Olardyń arasynda «Aıaq-qoldary ártúrli adamdarǵa arnalǵan robottalǵan taban», «Sińdirý ádisimen biriktirilgen dárilik gıdrogel», «Búkirlikpen kúresýge arnalǵan Postrue qurylǵysy jáne mobıldi qosymshasy» bar.

Foto: Qaraǵandy qalasyndaǵy NIS