Qaraǵandylyq oqýshy Djons Hopkıns ýnıversıtetine shaqyrtý aldy

QARAǴANDY. QazAqparat – Qaraǵandy qalasyndaǵy Nazarbaev Zııatkerlik mektebiniń 12-synyp oqýshysy Adına Jaılova Djons Hopkıns ýnıversıtetine (John Hopkins University) shaqyrtý aldy, dep habarlaıdy QazAqparat tilshisi.

Djons Hopkıns Ýnıversıteti AQSh-tyń úzdik on oqý ornynyń qataryna kiredi, QS ýnıversıtetteriniń álemdik reıtınginde 24-shi oryndy ıeldengen. Ýnıversıtetke túsý reıtıngi 6,5 % quraıdy. Bul degenimiz jyl saıyn myńdaǵan úmitkerlerdiń ishinen tek 6%-y ǵana oqý ornynda bilim alýǵa shaqyrylady.

Adınaǵa sonymen qatar University of Pittsburgh, Michigan State University men Northeastern University sııaqty oqý oryndarynan shaqyrtý kelgen.

John Hopkins University oqý ornynda qaraǵandylyq Adına Jaılova bıohımııa salasy boıynsha bilim alýdy josparlap otyr.
«Naqty mamandyqty ekinshi kýrstyń aıaǵyna qaraı tańdaı alamyn. PhD dárejesin alyp, Qazaqstanda ǵylymnyń damýyna úlesimdi qosqym keledi» – deıdi ol.
Djons Hopkıns ýnıversıteti – AQSh-tyń alǵashqy ǵylymı ýnıversıteti. Búginde bul oqý orny AQSh-tyń basqa akademııalyq mekemelerine qaraǵanda zertteýlerge kóp qarajat bóledi. Sonymen qatar AQSh-taǵy oqytý men zertteýdi biriktirip, bilim berý salasynda revolıýtsııa jasaǵan alǵashqy oqý orny retinde tanymal. Búgingi tańda ýnıversıtet túlekteri arasynda Nobel syılyǵynyń 27 laýreaty bar.