Qaraǵandylyq magıstrant ókpe rentgeniniń shıfryn sheshýdi jeńildetetin baǵdarlama jasady

QARAǴANDY. QazAqparat – Qaraǵandy tehnıkalyq ýnıversıtetiniń magıstranty Marǵulan Nurtaı medıtsına qyzmetkerleri úshin arnaıy baǵdarlama jasady. Bul ókpeniń rentgenin avtomatty túrde taldaýǵa jáne suryptaýǵa múmkindik beredi, dep habarlaıdy QazAqparat tilshisi.

«Aqparattyq júıeler» baǵyty boıynsha Marǵulan Nurtaı jasandy ıntellekt kómegimen ókpe aýrýlaryn dıagnostıkalaý zańdylyqtaryn zertteýdi

sheshken.

«Ár sýrette belgi bar: birinshisi – SARS, ekinshisi – tıptik pnevmonııa, úshinshisi - pnevmonııanyń belgisiz túri, tórtinshisi – saý ókpe. Ońtaılandyrý jáne gradıentti túsirý ádisi (qateni keri taratý) arqyly men neırondyq jelini sýretterdi taldaýǵa úırettim. Nátıjesinde meniń jikteýishimdi belgili aýrýlardyń tórt klasyna beıimdeýge múmkindik týdy», – deıdi magıstrant.

Konvolıýtsııalyq neırondyq jeliler – bul kompıýterlik kórý salasyndaǵy jańalyqtardyń biri. Barlyǵyna tanys ókpeniń sýreti sandar matrıtsasyna bólinedi, sodan keıin ártúrli sandyq standarttarmen salystyrylady.

Baǵdarlamanyń ózi júktelgen sýrettiń qaı etalonǵa uqsas ekenin anyqtaıdy.

Sonymen qatar, problemalyq aımaqtar ártúrli tústermen boıalǵan. Bul aýrýdyń belgili bir aımaqqa taralýy týraly qorytyndy jasaýǵa múmkindik beredi. Birneshe mınýt ishinde baǵdarlama sýretti taldap, adamnyń ókpesi saý ma, joq pa degen qorytyndy bere alady.

Magıstrant jabdyqty ornatýǵa bir aıǵa jýyq ýaqyt jumsaǵan. Taǵy bir jyly teorııalyq materıaldy oqyp, baǵdarlama jazýǵa ketti.

Ázirlemeni engizý dárigerlerge júktemeni aıtarlyqtaı tómendetýge múmkindik beredi. Bul dárigerlerge egjeı-tegjeıli zertteýdi qajet etetin patsıentterdiń sýretterin jiberýge kómektesedi. Deni saý adamdardyń sýretterin dárigerlerdiń qatysýynsyz avtomatty túrde óńdeýge bolady.