Qaraǵandylyq qutqarýshylar sý tasqyny kezeńine daıyndalýda
«Kóktem-2022» komandalyq-shtabtyq oqý-jattyǵýynda qutqarýshylar tótenshe jaǵdaı týraly turǵyndardy jáne basqarý organdaryn habardar etý tásilderin, avarııalyq-qutqarý jumystaryn júrgizý boıynsha barlyq qyzmetterdiń is-qımylyn, sý tasqyny kezinde halyqty evakýatsııalaý baǵyttaryn pysyqtaıdy jáne evakopýnktteriniń jaı-kúıin tekseredi.
Óńirde aldyn alý jáne joıý jumystary úshin 8 myńnan astam adam men 2 400-den astam tehnıka daıyndaldy.
«Aryqtardy, arnalardy, avtomobıl jáne temir jol kópirleriniń sý ótkizý qurylystaryn seń júrý men tasqyn sýlardy ótkizýge daıyndaý jáne tazartý, qorǵaý bógetterin, bógetter men úıindi qurylystaryn nyǵaıtý boıynsha is-sharalar oryndalýda.
Eldi mekenderden qar shyǵarý, ǵımarattar men qurylystardy, sondaı-aq úı mańyndaǵy ýchaskelerdi qardan jáne muzdan tazartý jumystary júrgizilýde», — dep habarlady Tótenshe jaǵdaılar departamentinen.
Oblys boıynsha barlyǵy 174 praktıkalyq is-shara josparlanǵan. Bul, úıilgen qorǵanys qorshaýlaryn nyǵaıtý, qar shyǵarý, kanaldardy, aryqtardy, sý ótkizý qurylystaryn tazalaý, orlardy kesý jáne ózge de jumystar.
Sý basýy múmkin aımaqta ornalasqan 158 eldi meken jáne barlyq gıdroqurylystar erekshe baqylaýǵa alyndy.