Qaraǵandylyq kıberpolıtseıler kámelet jasqa tolmaǵan alaıaqty ustady

QARAǴANDY. QazAqparat – Qaraǵandylyq «Kıberpol» qyzmetkerleri 30-dan astam alaıaqtyq faktisine qatysy bar kúdiktilerdi ustaý operatsııasyn ótkizdi, dep habarlaıdy QazAqparat Polisia.kz-ke silteme jasap.

Jábirlenýshilerge keltirilgen shyǵyn kólemi – 15 mln teńge.

«Jábirlenýshiler Qaraǵandy oblysynda ǵana emes, basqa óńirlerde de bar ekeni anyqtaldy. Kúdiktilerdi ustaý operatsııasyna polıtsııa qyzmetkerlerimen qosa, balalardy qorǵaý uıymynan da ókilder qatysty. Óıtkeni kúdiktilerdiń biri kámelet jasqa tolmaǵan. Olardy ustaý operatsııasy Almaty jáne Taldyqorǵan qalalarynda júrgizildi.

17 jastaǵy jasóspirim men onyń seriktesi – Almaty qalasynyń 54 jastaǵy turǵyny áleýmettik jeli arqyly arzan baǵaǵa telefon satamyz dep habarlama jarııalaǵan.

Olardy ustaý barysynda kúdiktilerden Apple 256Gb markaly Makbýk, tapsyrys berýshiler jazylǵan qoıyn kitapsha, Beeline, Activ, Tele2 operatorlarynyń bes SIM-kartasy, 5 mıllıon 453 myń teńge aqsha, Instagram áleýmettik jelisine baılanystyrylǵan IPhone 14 telefony tárkilenip, alyndy», - delingen habarlamada.

Málim etilgendeı, qazirgi ýaqytta atalǵan derek boıynsha tıisti tergeý áreketteri júrgizilip jatyr. Ustalǵandardyń osyǵan uqsas basqa da qylmystarǵa qatysy bar-joǵy anyqtalyp jatyr.