Qaraǵandylyq kásipkerler Jeńis Qasymbekke óz problemalary men usynystaryn jetkizdi
Ol qaraǵandylyq kásipkerlermen onlaın-formatta birneshe kezdesý ótkizip, kóptegen usynystar men ózekti máselelerdi talqylady, dep habarlaıdy QazAqparat.
Saýda jáne qoǵamdyq tamaqtandyrý salalaryndaǵy kásiporyndar basshylary túrli máseleler kóterdi. Sonyń ishinde sýpermarketter sórelerinde olardyń ónimderiniń bolýy, zańdy tulǵalar úshin baǵa belgileý jáne kommýnaldyq tarıfter bar.
Azyq-túlik jáne agrarlyq ónerkásip salasynda jumys isteıtin bıznesmender sýbsıdııalaý baǵdarlamasyn ashyq ári qoljetimdi etýdi surady. AÓK-niń kóptegen ókili jaıylymdyq jerlerdiń tapshylyǵyna shaǵymdandy.
Qaraǵandy oblysynyń jer qatynastary basshysy Daryn Bulqaıyrdyń aıtýynsha, qazir tıimsiz paıdalanylǵan jerlerdi memleket menshigine alý múmkin bolyp otyr.
«Búgingi tańda Prezıdenttiń tapsyrmasy aıasynda Qolday baǵdarlamasy boıynsha shamamen 7 mln 600 gektar ýchaski paıdalanylmaǵan nemese utymsyz paıdalanylǵan jer retinde monıtorıngige qoıyldy.
Jaıylymdar kólemin ulǵaıtýǵa keletin bolsaq, aýdandar bul jer ýchaskelerin rezervte ustaıdy jáne birlesip paıdalanady. Oblys boıynsha jerdi qaıtaryp alý Jol kartasy bekitildi», – dep habarlady Daryn Bulqaıyr.
Jergilikti mal ósirýshilermen másele de ózekti. Shekaralardyń jabylýy jáne básekelestik ortanyń bolmaýy olardyń kópshiligin bankrottyqqa ákelýi múmkin, dep shaǵymdandy osy salanyń ókilderi.
Óz kezeginde jeńil ónerkásip salasynyń kásipkerleri memlekettik satyp alýlarmen baılanysty problemalar jáne bilikti kadrlardyń jetispeýshiligi týraly aıtyp berdi.
«Bizde kolledjder, ýchılışeler bar, onda bizdiń sala úshin stýdentter grantta oqıdy. Biraq olar jetkiliksiz. Oblysta 50-ge jýyq kompanııa bar, olardyń árqaısysyna jumysker qajet. Fabrıkamyzdyń Qaraǵandydaǵy fılıaly 250 jumys ornyna arnalǵan, al is júzinde biz tek 15–20% ǵana jumysker aldyq. Kolledjderge saparlar, praktıkaǵa shaqyrý, memorandýmdarǵa qol qoıý jáne stıpendııalar tóleý tıisti nátıje bermeıdi», – dedi «ıÝtarııa ltd» JShS bas dırektory Sáýle Shaýenova.
Sondaı-aq kásipkerler ımporttyq taýarlardy jetkizýshilerge jáne tenderlerdi jıi jeńip alatyn basqa aımaqtardan kelgen kásipkerlerge shaǵymdandy.
Jeńis Qasymbek qala jáne aýdan ákimderine bıznesmendermen kezdesip, barlyq máselelerdi pysyqtaýdy tapsyrdy.
«Kásipkerlerge kúrdeli eki jylda qaraǵandylyqtardy jumys oryndarymen qamtamasyz etkenderińiz úshin alǵysymdy bildirgim keledi. Eger qalalyq jáne oblystyq bılik qandaı da bir máselelerdi baıqamasa, onda biz túzetetin bolamyz», – dep ýáde berdi aımaq basshysy.