Qaraǵandylyq kásipker Máskeýde Qazaqstannyń kreatıvti ındýstrııasyn tanystyrady

QARAǴANDY. QazAqparat – Qazaqstan alǵash ret Máskeýde ótip jatqan reseılik kreatıvti aptaǵa qatysyp otyr. Forýmda QR Mádenıet jáne sport mınıstrligi janyndaǵy kreatıvti ındýstrııalardy damytý jónindegi keńestiń múshesi, qaraǵandylyq Irına Harıtonova baıandama jasaıdy, dep habarlaıdy QazAqparat tilshisi.

«Qazaqstannyń osy alańǵa qatysýy óte mańyzdy. Bul halyqaralyq baılanystardy ornatýǵa kómektesedi. Bir jyl buryn biz kreatıvti ındýstrııalardy damytý jónindegi tujyrymdamany ázirleýdi bastadyq. Jobalarymyz da bar. Búginde kreatıvti habtar qurý, talantty jastardy damytý jáne qoldaý týraly oılarymyz bar, sondyqtan basqa elderdiń tájirıbesin zerdeleý qajet», – dep atap ótti Irına Harıtonova.

Onyń aıtýynsha, Global Nomads Fashion Awards jobasy óz alańynda álemniń 3 500 qatysýshysyn biriktirdi. Maqsaty – Qazaqstannyń eldik biregeılik taqyrybyn zertteý, tsıfrlyq bolashaq álemindegi qazaq halqynyń kóshpeli salty men murasy bolashaq tsıfrlyq álemniń kúsh-qýat jáne shabyt kózi bolatynyn uǵyný.

Irına Harıtonova Qazaqstannyń kreatıvti ındýstrııalarynyń damý áleýetimen tanystyrady. Bilim berý alańdary jáne IT boıynsha jergilikti tájirıbe – Terrıkon alqaby, Qaraǵandynyń mádenı-kreatıvti ındýstrııalaryn damytý ortalyǵy da usynylady.

Kreatıvti aptanyń alańynda Qazaqstan men Reseı arasyndaǵy yntymaqtastyq múmkindikteri talqylanbaq.