Qaraǵandylyq kámeletke tolmaǵan týysyn Sırııaǵa áketpekshi boldy

QARAǴANDY. QazAqparat - Qaraǵandyda «DAISh» halyqaralyq terrorıstik uıymyna qosylý úshin elden kámeletke tolmaǵan týysyn áketpekshi bolǵan 30 jastaǵy áıel sottalmaq, dep habarlaıdy «QazAqparat» HAA tilshisi.

Qaraǵandy oblystyq qylmystyq ister jónindegi mamandandyrylǵan aýdanaralyq soty habarlaǵandaı, oǵan QR QK 259-baby men 257-baby, ıaǵnı «Terrorıstik ne ekstremıstik áreketti uıymdastyrý maqsatynda adamdardy azǵyryp kóndirý nemese daıarlaý úshin esirtki nemese psıhotroptyq zattaryn zańsyz saqtaý, tasymaldaý» boıynsha aıyp taǵylýda.

Sottalýshy Qaraǵandydan Sırııaǵa ketip bara jatqanda Qaraǵandy oblystyq Ulttyq qaýipsizdik departamentiniń qyzmetkerleri ustaǵan. Tergeý barysynda onyń sodyrlarǵa kómek kórsetýge bara jatqany anyqtaldy. Áıeldi 2017 jyldyń qyrkúıeginde «Sokýr» beketinde ustaǵan.

Tergeý nusqasy boıynsha, áıel Sırııaǵa 2017 jyldyń tamyzynda ketýdi josparlaǵan. Sodyrlarmen baılanysyp, ony óz qatarlaryna alýǵa kóndiredi. Kelisim jasaýshylardyń biri oǵan dit degen jerge qalaı jetýdi aıtqan.

Ustalǵan áıel ózimen birge 18 jasqa tolmaǵan kúıeýiniń kishi inisin áketpekshi bolǵan. Biraq, anasynyń kelisimin almaǵannan keıin, keıinirek alyp ketýge ýáde bergen. Sot tyńdalymy bastaldy.