Qaraǵandylyq haıýanattar baǵyna metsenattar 20-dan astam janýar syılady

ASTANA. QazAqparat - «Rýhanı jańǵyrý» baǵdarlamasy qaraǵandylyq haıýanattar baǵyna janýarlar túrin tolyqtyrýǵa múmkindik berdi. Metsenattar men demeýshiler «Jyly júrek - jomart qol» aktsııasyna qatysyp, qol ushtaryn sozdy, dep habarlaıdy oblystyq ákimdiktiń baspasóz qyzmeti.

Jyl basynan beri zoobaqqa 20-dan astam janýarlar syıǵa tartyldy. Champan zebrasyn satyp alýǵa «ıÝjnyı» sýpermarketter jelisiniń ıeleri kómektesti. Bir jasar «Batyrdy» Almatydan alyp keldi. Al fermerlik sharýashylyqtar zoobaqqa amýr jolbarysyn, elikter, jaıra jáne shınshılla, sondaı-aq túrli qustardy: taýys, úki jáne totyqustardy syılady.

Haıýanattar baǵynyń basshylyǵy barlyq syılyq tartýshylarǵa alǵystaryn bildiredi.

Qaraǵandy memlekettik zoologııalyq baǵy - respýblıka boıynsha eń eski baqtardyń biri. Onyń negizi 1938-shi jyly qalanǵan. 2012-shi jyly oǵan jergilikti mańyzǵa ıe erekshe qorǵalatyn tabıǵı aýmaq mártebesi berilgen bolatyn.

2013-shi jyldan beri ol EAAZAQ halyqaralyq uıymynyń quramyna enip, jaqyn jáne alys shet elderdiń kóptegen zoobaqtarymen seriktesedi. Búgingi tańda qaraǵandylyq haıýanattar baǵynda 200-den astam janýarlar túri meken etedi, onyń ishinde sırek kezdesetin jáne ekzotıkalyq janýarlar da bar.